Serial actor Chandrakanth : చనిపోయిన చంద్రకాంత్.. కార్తీకదీపం-2 లో ముందుగానే ఊహించారా?
on May 23, 2024
.webp)
అసలేం జరుగుతుంది.. గత మూడు రోజుల నుండి సీరియల్ యాక్టర్ చంద్రకాంత్ గురించి రకరకాల వార్తలు వచ్చాయి. తన చావు వెనక ఎన్నో నిజాలు దాగి ఉన్నాయని నెట్టింట చాలా వినిపించాయి. అయితే కార్తీకదీపం-2 లో బంటు పాత్రలో చంద్రకాంత్ యాక్ట్ చేశాడు.
పారిజాతం దగ్గర నమ్మిన బంటుగా ఉన్న చంద్రకాంత్.. బుధవారం నాటి కార్తీకదీపం2 తాజా ఎపిసోడ్లో కనిపించాడు. దీప దొంగతనం నేరం మోపడంతో.. బంటుని ఇంట్లో నుంచి గెంటేస్తాడు కార్తీక్. అయితే బంటుని రహస్యంగా కలుస్తున్న పారిజాతం.. దీప ఊరు వెళ్లి ఆమెకి సంబంధించిన రహస్యాలను తెలుసుకుని రమ్మని పంపిస్తుంది. తిరిగి వచ్చిన బంటు.. దీప గురించి సేకరించిన విషయాలను పారిజాతంతో చెప్తాడు. దీప భర్త.. నరసింహ ఊరిలో అప్పులు చేశాడని.. ఆరేళ్ల క్రితమే అప్పుల వాళ్ల కళ్లుకప్పి ఊరి నుంచి పారిపోయి వచ్చాడని.. ఆ బాకీ డబ్బుల కోసమే దీప హైదరాబాద్ వచ్చిందని వివరాలన్ని పారిజాతానికి బంటు చెప్తాడు. మరి కార్తీక్ గురించి ఏదైనా తెలిసిందా? అని పారిజాతం అడిగితే.. జాతరకి గెస్ట్గా కార్తీక్ వెళ్లాడని అంతవరకూ తనకి తెలుసని బంటు చెప్తాడు. ఆ తర్వాత దీపకి కార్తీక్కి ఏదో తెలియని సంబంధం ఉందిరా? అది నువ్వే కనిపెట్టాలని పారిజాతం అంటుంది. అది నేను కనిపెట్టాలంటే.. ఈ బంటుగాడు ఈ ఇంట్లో ఉండాలమ్మ గారు అని బంటు అనగా... ఇప్పుడున్న పరిస్థితుల్లో నీ ఎంట్రీ కష్టంరా అని పారిజాతం అంటుంది. మీరు తలుచుకుంటే అవుతుంది అమ్మగారూ.. మీ బుర్రకి పదునుపెట్టండని బంటు అంటాడు. పారిజాతం బాగా ఆలోచించి.. ఓ కర్ర తీసుకొని బంటు బుర్రని బద్దలయ్యేట్టు కొడుతుంది. హయ్యో.. హయ్యయ్యో అంటూ పారిజాతం తన నటన స్టార్ట్ చేస్తుంది. జోత్స్న సాయంతో బంటు తలకి కట్టుకడుతుంది.
సరే వీడ్ని ఇంట్లోకి ఎందుకు రానిచ్చావని శివన్నారాయణ అడగ్గా.. నా నగల్ని ఎవరో దొంగ వెధవ కాజేస్తుంటే వీడే కాపాడాడు. సుమిత్రని దీప ఎలా కాపాడిందో వీడు కూడా అలాగే నన్ను కాపాడాడని పారిజాతం నటిస్తుంది. సుమిత్ర ప్రాణాలను కాపాడిన దీప ఇక్కడే ఉంది కాబట్టి నా ప్రాణాలను కాపాడిన బంటు కూడా ఇక్కడే ఉండాలని పారిజాతం అంటుంది. అయితే ఇదంతా చంద్రకాంత్ చనిపోవడానికి ముందు షూటింగ్ చేసిన ఎపిసోడ్.. ఈ సీరియల్లో బంటుకి ఎలాగైతే తలకి గాయమైందో నిజజీవితంలో కూడా యాక్సిడెంట్లో అలాగే గాయం అయ్యింది. ఇలాంటి పరిస్థితుల్లో నీ ఎంట్రీ కష్టంరా అని పారిజాతం ఓ డైలాగ్ చెప్తుంది. అయితే నిజంగానే చంద్రకాంత్.. ఈ లోకాన్ని వదిలివెళ్లిపోవడంతో.. అతని ఎంట్రీ నిజంగానే అసాధ్యం అయ్యింది. మరి చంద్రకాంత్.. ప్లేస్లో బంటుగా ఎవర్ని రీప్లేస్ చేస్తారో చూడాలి మరి.
.webp)
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
