‘ఇద్దరు పిచ్చోళ్ళు కలిసి డాన్స్ చేస్తే ...ఇలా ఉంటదన్నమాట’ అంటున్న నెటిజన్స్
on Aug 4, 2022
స్మాల్ స్క్రీన్ పై అవినాష్, శ్రీముఖి ఎప్పుడు కొత్త కొత్త జోక్స్ తో షోస్ లో సందడి చేస్తూనే ఉంటారు. అవినాష్, శ్రీముఖి ఇద్దరు మంచి ఫ్రెండ్స్ కూడా. అవినాష్ పెళ్ళిలో శ్రీముఖి చేసిన హడావిడి అంతా ఇంతా కాదు. ఆన్ స్క్రీన్, ఆఫ్ స్క్రీన్ లో ఇద్దరూ మంచి డాన్సులతో హంగామా చేస్తూ ఉంటారు. శ్రీముఖి చేసిన హెల్ప్ వల్లనే తాను బిగ్ బాస్ హౌస్ లోకి ఎంట్రీ ఇవ్వగలిగానని ఎప్పుడు చెప్తూ ఉంటాడు అవినాష్. వీళ్ళిద్దరూ కలిసి చేసే డాన్స్ వీడియోస్ సోషల్ మీడియాలో ఫుల్ ట్రెండింగ్ లో ఉంటాయి. ఇప్పుడు తాజాగా పల్సర్ బైక్ మీద రా మోవ అనే సాంగ్ కి వీళ్ళిద్దరూ డాన్స్ చేసి దుమ్ములేపేసారు.
రామ్, కృతిసెట్టి నటించిన ది వారియర్ మూవీలో బైక్ సాంగ్ కి వేసిన స్టెప్పులనే ఈ సాంగ్ కి వేశారు శ్రీముఖి, అవినాష్. ఇక ఈ వీడియోని శ్రీముఖి తన ఇన్స్టాగ్రామ్ పేజీలో పోస్ట్ చేసింది. "ఇద్దరు పిచ్చోళ్ళు కలిసి డాన్స్ చేస్తే ఇలా ఉంటదన్నమాట", శ్రీముఖి చాలా సన్నబడినట్టు కనిపిస్తోంది" "ఇంకా నిద్ర పోకుండా ఈ డాన్సులేమిటి" అంటూ నెటిజన్స్ కామెంట్స్ చేస్తున్నారు. ఇప్పుడు వీళ్ళ వీడియో మాత్రం సోషల్ మీడియాలో వైరల్ అవుతోంది.