హీరో ఆరోగ్యంపై క్లారిటీ వచ్చేసింది!
on Jan 26, 2023
తమిళనాట సంగీత దర్శకునిగా కెరీర్ ను మొదలుపెట్టి అతి తక్కువ సమయంలోనే ఇండస్ట్రీలో మంచి గుర్తింపు తెచ్చుకున్నారు విజయ్ ఆంటోని. ఇప్పుడు హీరోగా వరుస చిత్రాలు చేస్తున్నారు. దర్శకత్వంతో పాటు నిర్మాణ బాధ్యతలు కూడా చూసుకుంటున్నారు. వరుస సినిమాల్లో హీరోగా నటిస్తూ ఉన్నారు. ఈయన చిత్రాలు తమిళంలోనే కాదు తెలుగులో కూడా విడుదలై మంచి విజయాలను నమోదు చేసుకుంటున్నాయి. ముఖ్యంగా డాక్టర్ సలీం, నకిలి, బిచ్చగాడు వంటి చిత్రాలతో విజయ్ ఆంటోనికి తెలుగులో కూడా క్రేజ్ వచ్చింది. ఇక్కడ ఆయన చిత్రాలకు ఇక్కడ మినిమం ఓపెనింగ్స్ ఉంటాయి.
విజయ్ ఆంటోనీ సూపర్ హిట్ చిత్రం బిచ్చగాడు సీక్వెల్ షూటింగ్ లో ప్రమాదానికి గురైన సంగతి తెలిసిందే. ఈ ప్రమాదం మలేషియాలో యాక్షన్ సన్నివేశాలు చిత్రీకరిస్తున్న సమయంలో జరిగింది. ఈయన నటిస్తున్న పడవ కెమెరాతో పాటు ఉన్న మరో పడవను ఢీకొట్టడంతో ఈ ప్రమాదం జరిగింది. దాంతో ఆయనను కౌలాలంపూర్ ఆసుపత్రిలో జాయిన్ చేశారు. విజయ్ ఆంటోనీ ఆరోగ్యం బాగా క్షీణించింది. ముఖానికి ప్లాస్టిక్ సర్జరీ చేయాలని కూడా పుకార్లు షికారు చేశాయి. ఆయన ఆరోగ్య పరిస్థితి అసలు బాగోలేదు అంటూ వార్తలు వచ్చాయి. ఇటీవలే ఆయన భార్య ఫాతిమా ఆంటోనీ సోషల్ మీడియా ద్వారా క్లారిటీ ఇచ్చారు. తన భర్త ఆరోగ్యంగానే ఉన్నారని తెలిపింది. ఇప్పుడు స్వయంగా ట్విట్టర్ ద్వారా విజయ్ ఆంటోనీ తన ఆరోగ్యం విషయంపై క్లారిటీ ఇచ్చారు. థంబ్ను చూపిస్తూ తన ఆరోగ్యం బాగానే ఉందని ఇటీవలే ఆపరేషన్ జరిగిందని పేర్కొన్నారు. అతి త్వరలోనే మీతో నేను మాట్లాడుతాను అని విజయ్ ఆంటోనీ పేర్కొన్నారు. షూటింగ్ లో త్వరలో జాయిన్ అవుతున్నట్టు తెలిపారు.
మీడియాలో విజయ్ ఆంటోని ప్రమాదం గురించి వార్తలు వచ్చిన తర్వాత ప్రతి ఒక్కరూ ఆంటోని ఆరోగ్యంపై ఆందోళన వ్యక్తం చేశారు. తాజాగా ఫాతిమా క్లారిటీ ఇవ్వడం, ఇప్పుడు స్వయంగా విజయ్ ఆంటోనీ తన ఆరోగ్యం బాగానే ఉందని స్వయంగా ప్రకటించడంతో అభిమానులు ఊపిరి పీల్చుకున్నారు.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
