English | Telugu
నాన్న జీరో అంటూ ఏడ్చేసిన శుభలేఖ సుధాకర్
Updated : Jun 13, 2022
అమ్మంటే ఎంత ఇష్టమో నాన్న అన్నా కూడా అంతే ఇష్టం ఉంటుంది ఎవరికైనా. అమ్మ తొమ్మిది నెలలు మోస్తే నాన్న జీవితాంతం తన భుజాలపై మోస్తాడు. జూన్ లో ఫాదర్స్ డే రాబోతోంది. ఇక ఈ నెలలోనే మ్యూజిక్ డే కూడా వుంది. సంగీతం లేని ప్రపంచాన్ని ఊహించలేం. మనసు ప్రశాంతంగా ఉంచుకోవాలన్నా, మంచి నిద్ర పట్టాలన్నా, స్పెషల్ మూమెంట్స్ ని ఎంజాయ్ చేయాలన్నా మ్యూజిక్ కి ఆల్టర్నేట్ ఇంకోటి లేదు. మరి ఈ టు స్పెషల్ ఈవెంట్స్ ని పురస్కరించుకుని ఒక సూపర్ ప్రోగ్రాంని జీ తెలుగు డిజైన్ చేసింది.
ఇందులో నటుడు గోపీచంద్, రాశిఖన్నా , సాయి పల్లవి, శుభలేఖ సుధాకర్, సురేష్, రాజీవ్ కనకాల, ప్రభాకర్, జబర్దస్త్ కమెడియన్స్ అంతా ఈ షోలో కనిపించి అలరించనున్నారు. "నాన్న హీరో మనకు నచ్చినప్పుడు, నాన్న జీరో మనకు నచ్చనప్పుడు" అని చెప్తూ స్టేజి మీద ఎమోషన్ అయ్యారు శుభలేఖ సుధాకర్. "థ్యాంక్యూ దిల్ సే " అనే ఈ షోకి సంబంధించిన ప్రోమో ఇప్పుడు సోషల్ మీడియాలో రిలీజ్ అయ్యింది. ఇక యాంకర్స్ గా వన్ అండ్ ఓన్లీ సుధీర్ , శ్రీముఖి ప్రేక్షకులను ఎంటర్టైన్ చేయనున్నారు. సుధీర్ కోసమే ఈ షో చూడాలి. సుధీర్ కింగ్ ఆఫ్ ఎంటర్టైన్మెంట్ అంటూ సుధీర్ ఫాన్స్ కామెంట్స్ చేస్తున్నారు.