బిగ్‌బాస్ సీజ‌న్ 5 కంటెస్టెంట్ సిరి హ‌న్మంత్ గ‌త కొంత కాలంగా శ్రీ‌హాన్ ప్రేమ‌లో మునిగితేలుతున్న విష‌యం తెలిసిందే. అయితే ఇటీవ‌ల బిగ్‌బాస్ హౌస్‌లో సిరికి, ష‌న్నుకి మ‌ధ్య త‌రుగుతున్న దూరం.. పెరుగుతున్న బంధంపై ర‌క ర‌కాలు ఊహాగానాలు వినిపిస్తున్నాయి. వీటిపై ఇటీవ‌ల యాంక‌ర్ ర‌వి కూడా క్లారిటీ ఇచ్చిన విష‌యం తెలిసిందే. ఇదిలా వుంటే సిరిని జెస్సీ కూడా ఇష్ట‌ప‌డుతున్నాడు. ఇటీవ‌ల అనారోగ్య కార‌ణాల వ‌ల్ల ఇంటి హౌస్ నుంచి బ‌య‌టికి వ‌చ్చేసిన జెస్సీ తాజాగా సిరిపై షాకింగ్ కామెంట్స్ చేయ‌డం ప్రాధాన్య‌త‌ను సంత‌రించుకుంది.

హౌస్‌లో ష‌న్నుతో పాటు సిరితో చ‌నువుగా వున్న జెస్సీ ఒక ముద్దు నెట్టొచ్చుక‌దా అంటూ అల్ల‌రి చేసిన విష‌యం.. కొన్ని సంద‌ర్భాల్లో టాస్క్ పూర్త‌యిన త‌రువాత హ‌గ్ చేసుకున్న విష‌యం తెలిసిందే. అయితే తాజాగా సిరిపై జెస్సీ షాకింగ్ కామెంట్స్ చేయ‌డం ఆస‌క్తిక‌రంగా మారింది. ప్ర‌స్తుతం హౌస్‌లో వున్న సిరి.. త‌న ఫ్రెండ్ ష‌న్నుతో క్లోజ్‌గా వుంటున్న విష‌యం తెలిసిందే. సిరి త‌ల్లి, ష్ను త‌ల్లి ఈ ఇద్ద‌రూ సిరి - ష‌న్నుల‌ హ‌గ్గులు హ‌ద్దులు దాటుతున్నాయ‌ని అవి కాస్త త‌గ్గించుకుంటే మంచ ఇద‌ని హెచ్చ‌రించినా సిరి మాత్రం ష‌న్నుని హ‌గ్ చేసుకోకుండా వుండ‌టం లేదు.

దీంతో సిరిని, ష‌న్నుని నెట్టింట ఓ రేంజ్‌లో ట్రోల్ చేస్తున్నారు. ఇదిలా వుంటే సిరిపై జెస్సీ చేసిన కామెంట్స్ మ‌రింత ఆజ్యం పోసేవిగా వున్నాయి. తన‌కు పిరిలాంటి అమ్మాయి భార్య‌గా రావాలి. అలాంటి అమ్మాయి అయితే పెళ్లి చేసుకుంటాన‌ని సిరిని ఉద్దేశించి జెస్సీ తాజాగా అన‌డం ఆస‌క్తిక‌రంగా మారింది. సిరి న‌న్ను హౌస్‌లో ఎలా చూసుకుందో అంతా చూశారు అలా త‌న‌ని చూసుకునే అమ్మాయి అయితే పెళ్లి చేసుకుంటాన‌ని జెస్సీ స్ప‌ష్టం చేయ‌డం గ‌మ‌నార్హం.