స్టార్ మా టీవీలో ప్రసారమవుతున్న సీరియల్ 'కార్తీక దీపం 2'(Karthika Deepam 2). ఈ సీరియల్ శనివారం నాటి ఎపిసోడ్ -120 లో....దీప దగ్గరకి పారిజాతం, జ్యోత్స్న లు వస్తారు. ముందు నుండి జాగ్రత్త పడి ఉంటే నీకు ఈ పరిస్థితి వచ్చేది కాదు కదా అని పారిజాతం అనగానే.. మీరు చూసి ఇలా ఆనందపడే ఛాన్స్ ఉండేది కాదు కదా అని దీప అంటుంది. అంటే ఇప్పుడు నీ సిచువేషన్ చూసి ఆనందపడుతున్నామా అని జ్యోత్స్న అంటుంది. అప్పుడే జ్యోతి, కార్తీక్ లు వస్తుంటే.. జ్యోత్స్న, పారిజాతంలు దీప దగ్గర నుండి వెళ్ళిపోతారు. టైమ్ అయిందంటూ లోపలికి వెళ్తారు.

మరొకవైపు సుమిత్ర దగ్గరకి శ్రీధర్ కాంచనలు వస్తారు. సుమిత్ర ఏ టెన్షన్ లేకుండా ఉండడం చూసి.. నువ్వు చాలా గ్రేట్ వదిన అంటుంది. ఎందుకు నీకు కార్తీక్ పై నమ్మకం లేదా అని సుమిత్ర అడుగగా.. ఉంది అని కాంచన అంటుంది. కోర్టులో ఏం జరుగుతుందో, ఏంటో వెళదామని సుమిత్ర అంటుంది. మీరు వద్దు అన్నయ్య జరుగుతుంది మీకు నచ్చనప్పుడు అక్కడ జరిగేది కూడా నచ్చదు.. మేమ్ వెళ్తామంటూ కాంచనని సుమిత్ర తీసుకొని కోర్టుకి వెళ్తుంది. ఆ తర్వాత క్లయింట్ తన భార్య తప్పు చేసిందని ఆధారాలతో సహా నిరూపించాడు. దీప ఇప్పుడు మీ ఆరోగ్యం బాగానే ఉందా అని లాయర్ అడుగుతాడు. ఎందుకు అంటే మళ్ళీ తీర్పు చెప్పే టైమ్ కి కింద పడిపోతే వాయిదా అడుగుతారని VV అంటాడు. ఆ తర్వాత కార్తీక్ ని లాయర్ పిలుస్తాడు. మీకు దీప ఎప్పటినుండి తెలుసంటూ దీప గురించి ప్రశ్నలు అడుగుతాడు. తను మా అత్తయ్య వాళ్ళ ఇంట్లో ఉంటుంది. పడిపోతుంటే పట్టుకుంటే , దాన్ని ఏమంటారని కార్తీక్ అడుగుతాడు సాయమని లాయర్ అంటాడు. మరి నేను దీప విషయంలో చేసింది అదే శౌర్యని తీసుకొని వెళ్లిపోతుంటే వాడి నుండి కాపాడాలని, తన తండ్రి నేనే అంటూ అబద్ధం చెప్పానంటూ, నరసింహా చూపించిన సాక్ష్యాలు అబద్దమని కార్తీక్ చెప్తాడు. దయచేసి ఆ తల్లి కూతుళ్లని విడదీయకండి అని కార్తీక్ అంటాడు.

ఆ తర్వాత దీప మాట్లాడుతు.. ఈ నిందలు పడడం.. నా వల్ల కాదు.. నాకు విడాకులు ఇవ్వండి అని దీప అనగానే.. ఏంటి మళ్ళీ ఇదొక ప్లానా అని VV అంటాడు. విడాకులు కావాలంటే బలమైన కారణం ఉండాలని లాయర్ అనగానే.. ఉంది భార్య ఉండగానే భర్త వేరొక పెళ్లి చేసుకుంటే విడాకులు ఇస్తారా అని దీప అడుగగా.. ఇస్తారని లాయర్ అంటాడు. అయితే నరసింహా నేను ఉండగానే శోభ అనే అమ్మాయిని పెళ్లి చేసుకున్నాడని దీప అంటుంది. వాడు తన ఫ్రెండ్ అని చెప్పాడని VV అనుకుంటాడు. దీప నిన్న చెప్తానన్న కారణం ఇదే అన్న మాట అని జ్యోతి అనుకుంటుంది. ఆ తర్వాత నరసింహా పక్కన ఉన్న ఆవిడే రెండో భార్య శోభ అని దీప చెప్పగానే.. శోభతో మాట్లాడాలని జ్యోతి బోన్ లోకి పిలుస్తుంది. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.