జీ తెలుగులో ప్రసారమవుతున్న సీరియల్ 'జయం'(Jayam).ఈ సీరియల్ బుధవారం నాటి ఎపిసోడ్ -111 లో.....గంగ ప్రాక్టీస్ చేస్తుంటే ఒకతను వచ్చి రుద్ర మీకు ఇది ఇవ్వమ్మన్నాడని చెప్తాడు. మీరు సర్ కి స్పెషల్ అనుకుంటా అందుకే ఈ చీర పంపాడు సర్ వచ్చేసరికి కట్టుకోండి అని అతను చెప్తాడు. దాంతో గంగ మురిసిపోతుంది. నేను పట్టీలు తీసుకోలేదని సర్ కి కోపం వచ్చింది.. ఇప్పుడు ఈసారి కట్టుకొని సర్ హ్యాపీగా ఫీల్ అయ్యేలా చెయ్యాలని గంగ అనుకుంటుంది.

మరొకవైపు ఇంట్లో చీర కనిపించడం లేదని అందరు వెతుకుతారు. ఇందాక నువ్వు బయటకు ఫోన్ మాట్లాడడానికి వెళ్ళావ్ కదా బావ అని వీరు అంటాడు. అవును గంగ ఫోన్ చేసిందని రుద్ర అనగానే.. ఆ గంగతో నీకు మాటలేంటి నీ ఫోన్ ఇవ్వు ఇంకొకసారి ఫోన్ చేయకని చెప్తానని శకుంతల అంటుంది. రుద్ర ఫోన్ తీసుకుంటుంది. అప్పుడే గంగ ఫోన్ చేసి సర్ మీరు పంపిన చీర బాగుంది కట్టుకున్నానని చెప్తుంది. అది విని ఇంట్లో వాళ్లంతా షాక్ అవుతారు. అదేంటీ రుద్ర చీర అక్కడికి ఎలా వెళ్ళిందని శకుంతల అడుగుతుంది. ఏమో అమ్మ నాకు తెలియదని రుద్ర అంటాడు. ఒకవేళ గంగ వచ్చి తీసుకొని వెళ్లి ఉంటుందని వీరు అంటాడు. అసలు ఏం జరిగిందో నేను కనుక్కుంటానని గంగ దగ్గరికి రుద్ర బయల్దేరతాడు. మరొకవైపు చీర ఇచ్చిన అతను రుద్ర, గంగ మాట్లాడుకునే ప్లేస్ లో ఆయిల్ పోస్తాడు. గంగ వస్తు పడిపోతుంటే రుద్ర పట్టుకుంటాడు. దాంతో అతను ఫోటో తీస్తాడు. గంగ చెంప చెల్లుమనిపిస్తాడు రుద్ర. పారు మీద కోపంతో ఈ చీర దొంగతనం చేస్తావా అని కోప్పడతాడు. గంగ ఏం చెప్పినా వినకుండా ఆ చీర తీసి ఇవ్వు అనగానే గంగ చీర మార్చుకొని వచ్చి రుద్రకి ఇస్తుంది.

రుద్ర ఇంటికి వెళ్లేసరికి రుద్ర, గంగ ఉన్న ఫొటోస్ చూసి పారు కోపంగా అన్ని వస్తువులు విసిరేస్తుంది. రుద్ర రాగానే ఆ ఫోటోస్ చూపిస్తుంది. ఇవన్నీ ఇప్పుడు సోషల్ మీడియా లో వైరల్ అయ్యాయని వీరు చెప్తాడు. రుద్ర తెచ్చిన చీరని పారు కాల్చేస్తుంది. మరొకవైపు గంగ ఇంటికి వెళ్ళాక ఆ ఫోటోస్ చూసి పైడిరాజు కోప్పడతాడు. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.