అమ్మో సదా...ఇంత టాలెంటెడ్ ఆ ...
డైరెక్టర్ తేజ తెరకెక్కించిన 'జయం' మూవీతో ఇండస్ట్రీలోకి ఎంట్రీ ఇచ్చిన సదా అప్పుడు ఎలా ఉందో ఇప్పుడు కూడా అలాగే ఉంది. తెలుగుతో పాటు తమిళం, కన్నడ, మలయాళం, హిందీ భాషల్లో పలు చిత్రాల్లో ఆమె నటించింది. ప్రస్తుతం సదాకు సినిమా అవకాశాలు తగ్గిపోయాయి. కానీ టీవీ రియాల్టీ షోలు, డ్యాన్స్ షోలకు ఆమె జడ్జిగా వ్యవహరిస్తోంది. మరోవైపు ఆమె వయసు 39 ఏళ్లకు చేరుకుంది. ఐనా ఆమె ఇంతవరకు పెళ్లి చేసుకోలేదు. రీసెంట్ గా ఆమె నీతోనే డాన్స్ 2 . 0 షోకి జడ్జ్ గా వ్యవహరిస్తోంది. శని, ఆదివారాల్లో ప్రసారమయ్యే ఈ షోలో ఈ వారం సదా తన టాలెంట్ మొత్తాన్ని చూపించింది. ఈ శనివారం జరిగిన ఎపిసోడ్ లో అమరదీప్ - తేజు జోడీగా చేసిన కథక్ డాన్స్ పెర్ఫార్మెన్స్ ఇచ్చారు. దాంతో సదా కూడా స్టేజి మీదకు కథక్ చేసి అందరితో వ్వావ్ అనిపించుకుంది. ఇక ఆదివారం ఎపిసోడ్ లో యావర్-వాసంతి కృష్ణన్ జోడి లావణి డాన్స్ పెర్ఫార్మెన్స్ చేశారు.