- నటుడిగా సందీప్ రెడ్డి వంగా
- లెక్చరర్ రోల్ కోసం సంప్రదించిన డైరెక్టర్ రాహుల్
- సందీప్ రెడ్డి ఊహించని రియాక్షన్

అర్జున్ రెడ్డి, కబీర్ సింగ్, యానిమల్ సినిమాలతో టాప్ ఇండియన్ డైరెక్టర్స్ లో ఒకరిగా సందీప్ రెడ్డి వంగా పేరు పొందారు. ప్రస్తుతం ప్రభాస్ తో 'స్పిరిట్' అనే భారీ ఫిల్మ్ చేస్తున్నారు. ఇదిలా ఉంటే.. సందీప్ రెడ్డి ఆఫ్ స్క్రీన్ లుక్స్, యాటిట్యూడ్ కి ఎందరో ఫ్యాన్స్ ఉన్నారు. ఆయన సినిమాల్లో నటిస్తే బాగుంటుందని పలువురు అభిప్రాయపడుతూ ఉంటారు. (Sandeep Reddy Vanga)

నిజానికి 'మహానటి' సినిమాలో దర్శకుడు వేదాంతం రాఘవయ్య పాత్రలో సందీప్ రెడ్డి మెరిశారు. ఆ తర్వాత ఆయన నటన జోలికి పెద్దగా వెళ్ళలేదు. అయితే, రష్మిక మందన్న ప్రధాన పాత్రలో వస్తున్న 'ది గర్ల్ ఫ్రెండ్' సినిమాలో ఓ రోల్ కోసం సందీప్ ను సంప్రదిస్తే.. ఆయన ఊహించని సమాధానం ఇచ్చారట. ఈ విషయాన్ని దర్శకుడు రాహుల్ రవీంద్రన్ రివీల్ చేయడం విశేషం. (The Girlfriend)

Also Read: బాహుబలి ది ఎపిక్.. మహేష్ కొడుకు గౌతమ్ షాకింగ్ రివ్యూ!

రష్మిక, దీక్షిత్ శెట్టి జంటగా రాహుల్ రవీంద్రన్ దర్శకత్వంలో రూపొందుతోన్న చిత్రం 'ది గర్ల్ ఫ్రెండ్'. గీతా ఆర్ట్స్, ధీరజ్ మొగిలినేని ఎంటర్ టైన్ మెంట్ బ్యానర్స్ సంయుక్తంగా నిర్మిస్తున్న ఈ ఫిల్మ్.. నవంబర్ 7న విడుదల కానుంది. ఈ మూవీ ప్రమోషన్స్ లో భాగంగా మీడియాతో ముచ్చటించిన డైరెక్టర్ రాహుల్ రవీంద్రన్.. ఓ ఆసక్తికర విషయాన్ని పంచుకున్నారు.

"ది గర్ల్ ఫ్రెండ్ మూవీలో హీరో హీరోయిన్స్ పీజీ స్టూడెంట్స్. ఇందులో ఒక లెక్టరర్ రోల్ ఉంది. ఆ క్యారెక్టర్ డైరెక్టర్ సందీప్ రెడ్డి వంగా చేస్తే బాగుంటుంది అనిపించింది. ఆయనను అప్రోచ్ అయితే వద్దు, నన్ను స్క్రీన్ మీద చూడగానే ఆడియెన్స్ నవ్వుతారు అని రిజెక్ట్ చేశారు. చివరకు ఆ రోల్ నేనే చేయాల్సి వచ్చింది." అని రాహుల్ రవీంద్రన్ చెప్పుకొచ్చారు.

రాహుల్ రవీంద్రన్ చెప్పినట్టుగా 'ది గర్ల్ ఫ్రెండ్'లో సందీప్ రెడ్డి ఆ లెక్టరర్ రోల్ చేస్తే.. సినిమాపై మరింత హైప్ వచ్చేది అనడంలో సందేహం లేదు.