యన్ టి ఆర్ "శక్తి" చిత్రం వివాదాల్లో ఇరుక్కుందని ఫిలిం నగర్ వర్గాలంటున్నాయి. వివరాల్లోకి వెళితే వైజయంతీ మూవీస్ పతాకంపై, యంగ్ టైగర్, ఎ-1 స్టార్ యన్ టి ఆర్ హీరోగా, నలకనడుము ఇలియానా హీరోయిన్ గా, మెహెర్ రమేష్ దర్శకత్వంలో, అశ్వనిదత్ నిర్మించిన చిత్రం "శక్తి". ఈ యన్ టి ఆర్ హీరోగా నటిస్తున్న"శక్తి" చిత్రం ప్రస్తుతం ఒక వివాదంలో ఇరుక్కుందని ఫిలిం నగర్ వర్గాలంటున్నాయి. ఈ చిత్రంలో హీరో యన్ టి ఆర్ కాళ్ళకి వేసుకున్న బూట్లకు మూడు రంగులున్నాయట. అది మన దేశ జాతీయ పతాకాన్ని అవమానించినట్లుగా భావిస్తున్నట్లు కొందరు సైనికోద్యోగులు భావిస్తున్నారు.
దీని మీద నిర్మాత, దర్శకులు స్పందించి వివరణ ఇవ్వాలని ఆ సైనికోద్యోగులు కోరుతున్నారు. హీరో ఈ విషయంపై ఎలా స్పందిస్తారో ఇంకా తెలియాల్సి ఉంది. ఈ యన్ టి ఆర్ "శక్తి" అష్టదశ శక్తి పీఠాల గురించి చక్కని కమర్షియల్ హంగులతో నిర్మించిన చిత్రంగా నిర్మాత అశ్వనీ దత్ మీడియాకు తెలిపారు. ఈ చిత్రం "ఆల్ ఫూల్స్ డే" రోజున అంటే ఏప్రెల్ 1 వ తేదీన ప్రపంచ వ్యాప్తంగా విడుదల చేయబడుతూంది.
