తమిళంలో 96 గా వచ్చిన చిత్రం అక్క‌డ ఎంత‌టి అపూర్వ‌మైన  ఘన విజయాన్ని సాధించిందో అందరికీ తెలుసు. తమిళంలో విజయ్ సేతుపతి, త్రిష  జంటగా నటించారు. ఇదే చిత్రాన్ని తెలుగులో దిల్ రాజు జానుగా రీమేక్ చేశారు. దీనిలో శర్వానంద్, సమంతా నటించారు. 96 ఒరిజినల్ వర్షన్ తో పాటు తెలుగు జాను కూడా తమిళ దర్శకుడైన ప్రేమ్ కుమార్ దర్శకత్వం వహించారు. ఈ  సినిమాను ఎంతో ఎమోషనల్ తీశారు. 

ఇక కార్తీ విషయానికి వస్తే ఆయనకు తెలుగులో ఒక ప్రత్యేకమైన మార్కెట్ ఉంది. సూర్య తమ్మునిగా టాలీవుడ్ లోకి ఎంట్రీ ఇచ్చిన ఆయన అతి తక్కువ చిత్రాలతోనే తన అందం, అభినయంతో సొంతగా ఇమేజిని తెచ్చుకున్నారు. ఆ క్రేజ్ తో ఆయన చిత్రాలకు తెలుగులో మంచి ఓపెనింగ్సే ఉంటాయి. ఇలా ఆయన నటించిన యుగానికి ఒక్కడు, ఆవారా, నా పేరు శివ, శకుని, బ్యాడ్ బాయ్, బిర్యాని, మద్రాస్, కాష్మోరా, చెలియా, ఖాకీ,  చిన్నబాబు, ఖైదీ, దొంగ, సుల్తాన్, పోనియన్ సెల్వ‌న్ 1,  వీరబాబు, సర్దార్ వంటి చిత్రాలు వచ్చాయి. ఇక ఈయన తెలుగులో నేరుగా కింగ్ నాగార్జున తో కలిసి ఊపిరి చిత్రం చేశారు. కార్తీనటనతో పాటు ఆయన తన ఆటిట్యూడ్ తో కూడా అందరికీ నచ్చేస్తారు.  గత ఏడాది మూడు హిట్లు కొట్టారు.  ప్రస్తుతం జపాన్ అనే చిత్రంలో నటిస్తూ బిజీగా ఉన్నారు.  తాజాగా ఆయ‌న ప్రేమ్ కుమార్ దర్శకత్వంలో తన తదుపరిచిత్రాన్ని అనౌన్స్ చేశారు. ఈ సినిమా కథ బాగా నచ్చడంతో కార్తీ వెంటనే గ్రీన్ సిగ్నల్ ఇచ్చార‌ట‌. 

ఈ సినిమా సూర్య సొంత బ్యానర్ అయిన 2d ఎంటర్టైన్మెంట్స్ పతాకంపై రూపొందుతోంది. త్వరలో అధికారిక ప్రకటన వచ్చే అవకాశం ఉంది. ఈ చిత్రాన్ని కూడా ప్రేమ్ కుమార్ రూరల్ బ్యాక్ డ్రాప్ లో తయారు చేసుకున్నార‌ని స‌మాచారం. ఈ చిత్రంలో కార్తీ మధురై కి చెందిన వాడిగా కనిపించనున్నాడని, ఈ సినిమాకు జల్లికట్టు అనే పేరును కూడా ఖరారు చేశారు తెలుస్తోంది.  మొత్తానికి ప్రేమ్ కుమార్ కార్తీతో తీయబోయే సినిమా 96 ని మించి ఉంటుందని చాలామంది అభిప్రాయం వ్యక్తం చేస్తున్నారు. కచ్చితంగా బ్లాక్ బ‌స్ట‌ర్ కొట్టాల‌నే కసితో ఉన్న డైరెక్టర్ ప్రేమ్ కుమార్ ఈ చిత్రంపై ప్రత్యేకమైన దృష్టి పెట్టారట.