TeluguOne Services
Copyright © 2000 - , TeluguOne Sahityam - All rights reserved.
పండగ - శారదా అశోకవర్ధన్
పండగ
- శారదా అశోకవర్ధన్
ఉగాదినా మరేదైనా
కొత్త అనేది రోజులో లేదు
సంవత్సరంలో లేదు-
సూర్యుడు కొత్త రంగు పులుముకొస్తాడా
గాలి కొత్త వాసనలు చిమ్ముకొస్తుందా
అవే పూలు అవే కాయలు
అవే రుచులు అవే గతులు
మనిషి కోరుకునే కొత్తదనానికి
ముద్దు పేరు - పండగ!
రొటీన్ జీవితం బోరుకొట్టక
బయట పడే మార్గం - పండగ
తనకు తానే నియమ నిబంధనల హర్మ్యాన్ని
నిర్మించుకోవడానికి దోహదం - పండగ
స్నేహ సంపదను పంచుకోవడానికి
పదిలంగా పెంచుకున్న నిండిన 'పాదు'-పండగ
మానవత్వం పాలు పంచుకోవడానికి
'పొదుగు'-పండగ
నూతనత్వం గుండెనిండా
అడుగడుగునా నింపుకుంటూ
కష్టసుఖాలను సమంగా ఎంచుకుంటూ
సాగిపోయే బాటసారికి
ప్రతినిత్యం పండగే -
మనిషిగా జీవించడమే
మనకు అసలైన పండగ
క్రొత్త పాత కోరికల్ని కలబోసి మస్తిష్కపు బస్తాల్లో ఉబ్బేట్టుగా నింపి చిరుకోర్కెనైనా విడువనిష్టపడక బలమైన ఆశలబంధంతో కుట్లువేసి కాలం రథమ్మీద ప్రయాణిస్తూ శోభకృత్ పొలిమేర దాటుకుంటూ క్రోధి గ్రామం చేరుకుంటూ సగటు ఓటరు మహాశయులు!
Apr 8, 2024
శిశిరంలో చలిపులి గజదొంగగారు నిత్యంతనువంతా తీవ్రంగా తడిమేస్తూ సిరిసంపదలేం దోచుకోబోయారో దౌర్జన్యాల దాష్టికాలేంజేయబోయారో!
Apr 6, 2024
|
|