గుండె గుండెలో నిలుస్తా
- శారద అశోకవర్ధన్
వెలుగూ! నీకంత కాంతి
ఎలా కలిగిందో చెబుతావా ?
నాకూ కాస్త పంచి పెడితే
నాలో నింపుకుని
చీకట్లో నికృష్ట జీవితాన్ని గడుపుతూన్న
నిరుపేదల గుడిసెలకు పంపుతాను
వారి కళ్ళూ మెరిసేలాగా వారికో
దారి చూపిస్తాను.
చీకటి గొంగళీ కింద రహస్య క్రీడలు జరిపే
ముసుగు మనుష్యుల గుండెల్లో ప్రవేశిస్తాను
నా కళ్ళు తెరిపిస్తాను వెలుతురిని
చూస్తాను.
పేరు ప్రతిష్టలను డబ్బుతో కొనే పెద్ద మనుష్యులూ
సొంత లాభం కోసం వెర్రివాణ్ణి పెద్దవాణ్ణి చేసి
వెనకగా నవ్వుకునే దుర్మార్గులూ, దేశం పేరిట
పొట్ట నింపుకోవడమే కాదు
దేశాన్నే మింగేసే బకాసురులు
తరతరాలు గుర్తుంచుకునేలా గుణపాఠం నేర్పిస్తాను
వెలుగూ! నీ కాంతి కొంత నాకిచ్చావంటే
మూలమూలల ప్రవేశించి, వాకిట్లో, ఇంట్లో గుండెల్లో
అంతరాంతరాల్లో దాక్కున్న చీకటిని
కూకటి వేళ్ళతో పెకలించి తరిమి తరిమి కొడతాను
గుండె గుండెల్లో నేనే వెలుగై నిలుస్తాను.
మీ ఓట్ల కోసం వస్తున్నాం మీ ఓట్లతో రాజ్యాధికారంలోకి వస్తున్నాం. కంపెనీల పేరు చెప్పి మీ భూమిని లాగేస్తున్నాం అభివృద్ధి కావాలంటే? మీ భూములు మాకు ఇవ్వాలె ! ఉద్యోగాలు కావాలంటే? ఉన్నదంతా ఇచ్చేయాలి..!
Dec 17, 2025
ఆహరం లేక, ఆక్సిజన్ అందక చనిపోయేవాళ్లు కొందరు.. ఆహరం, ఆక్సిజన్ తో వ్యాపారం చేస్తూ బ్రతికేవాళ్లు కొందరు...
Nov 29, 2025
బ్రతుకుబండిని గమ్యంవైపుకు నడిపిస్తూ విశ్రాంతి లేక వడలిపోయి కొందరు వారసత్వ సంక్రమణ ఆరోగ్య అవలక్షణాలు వృత్తి వ్యవహార ఒత్తిళ్ళతో నలిగి నీరసించి మరికొందరు!
Nov 4, 2025
అప్పుడప్పుడు అనిపిస్తుంటుంది కాల ప్రవాహాన్ని ఎదురీది గడచిన మజిలీలకు మళ్ళీ చేరాలని
Sep 12, 2025
ఓ బొజ్జ గణపయ్య నీ భక్తులమ్మేమయ్య చవితి చంద్రున్ని చూస్తిమేమోనయ్య సతమతమవుతూ సాగుతుంటిమయ్య!
Aug 26, 2025
కృషీవలురకు శక్తినివ్వు కలల వయసుకు నింగినివ్వు బెరుకు సొగసుకు ధైర్యమివ్వు గడుసు మొరటుని బెదరనివ్వు!
Mar 29, 2025
ఉగాది పాట రంజితమై లోక శోభితమై నేటి ఆమనిలో పలుకు పావనివై గాన కోకిలమ్మ!
Mar 29, 2025
 |