.png)
అమ్మకోటి
అమ్మా!
ఎప్పుడో నీ ఒళ్ళో కూర్చున్నట్లు
ఎక్కడో నీ ఉయ్యాల జంపాల ఊగినట్లు
జ్ఞాపకాల నీడల్లోంచి నీ గాజుల సవ్వడి
సుతిమెత్తని పువ్వుల్లా విప్పారుతుంటుంది
నన్నే చెత్తకుండీలో పడేశావ్
ఏ రైలు పట్టాల మీదికి తోసేశావ్
నా జీవితాక్షరాల్ని చిందరవందర చేశావ్
నా పసితనం పారేసుకున్న బొమ్మవైనావ్
ఎక్కడున్నావమ్మా!
పిల్చినా పలకవు
ఆకలేస్తే గోరుముద్దల్లేవు
మార్కులు చూసి ముద్దులు పెట్టావు
పీడకలలొస్తే పక్కనలేవు
జీవితం మోయలేని
అనిభావాల అరణ్యంలో
నీ పైట చెంగుకోసం
ప్రపంచమంతా వెదుక్కుంటున్నాను
నువ్వు చిల్లర పోగేసిన డబ్బా
నా మెళ్ళో కట్టిన తావీదు
నీ పాత పాస్ పోర్టు సైజు ఫోటో
అన్నింటినీ మించి
అచ్చం నీలాంటి నేను!
నన్నెవరు మెచ్చుకున్నా
ముందుగా నీకే చెప్పాలన్పిస్తుంది
కష్ట సుఖాలన్నీ కలబోసి రాసే 'అమ్మకోటి'లొ
నిత్యం నీ కోసమే కన్నీటి అన్వేషణ!
నన్నెందుకు అనాథని చేశావనే
అంతుదొరకని ప్రశ్నా నిరీక్షణ! ...
అమ్మ ఉన్న అదృష్టవంతుల్లారా!
అమ్మని బాధ పెట్టకండి
బరువనిపిస్తే
నా కిచ్చేయండి ... ప్లీజ్!
-సి. భవానీదేవి
మీ ఓట్ల కోసం వస్తున్నాం మీ ఓట్లతో రాజ్యాధికారంలోకి వస్తున్నాం. కంపెనీల పేరు చెప్పి మీ భూమిని లాగేస్తున్నాం అభివృద్ధి కావాలంటే? మీ భూములు మాకు ఇవ్వాలె ! ఉద్యోగాలు కావాలంటే? ఉన్నదంతా ఇచ్చేయాలి..!
Dec 17, 2025
ఆహరం లేక, ఆక్సిజన్ అందక చనిపోయేవాళ్లు కొందరు.. ఆహరం, ఆక్సిజన్ తో వ్యాపారం చేస్తూ బ్రతికేవాళ్లు కొందరు...
Nov 29, 2025
బ్రతుకుబండిని గమ్యంవైపుకు నడిపిస్తూ విశ్రాంతి లేక వడలిపోయి కొందరు వారసత్వ సంక్రమణ ఆరోగ్య అవలక్షణాలు వృత్తి వ్యవహార ఒత్తిళ్ళతో నలిగి నీరసించి మరికొందరు!
Nov 4, 2025
అప్పుడప్పుడు అనిపిస్తుంటుంది కాల ప్రవాహాన్ని ఎదురీది గడచిన మజిలీలకు మళ్ళీ చేరాలని
Sep 12, 2025
ఓ బొజ్జ గణపయ్య నీ భక్తులమ్మేమయ్య చవితి చంద్రున్ని చూస్తిమేమోనయ్య సతమతమవుతూ సాగుతుంటిమయ్య!
Aug 26, 2025
కృషీవలురకు శక్తినివ్వు కలల వయసుకు నింగినివ్వు బెరుకు సొగసుకు ధైర్యమివ్వు గడుసు మొరటుని బెదరనివ్వు!
Mar 29, 2025
ఉగాది పాట రంజితమై లోక శోభితమై నేటి ఆమనిలో పలుకు పావనివై గాన కోకిలమ్మ!
Mar 29, 2025
 |