వివాదాస్పద దర్శకుడు రాంగోపాల్ వర్మ పరారీలో ఉన్న సంగతి తెలిసిందే. కేసుల నుంచి తప్పించుకునేందుకు ఆయన హైకోర్టునాశ్రయించారు. తనపై వివిధ పోలీస్ స్టేషన్లలో వరుసగా కేసులు నమోదు అవుతూనే ఉన్నాయని అరెస్ట్ నుంచి తప్పించాలని ఆయన మరో మారు న్యాయస్థానాన్ని ఆశ్రయించారు. వర్మ దాఖలు చేసిన క్వాష్ పిటిషన్ సోమవారానికి వాయిదా పడింది. వాదనలు వినిపించడానికి సమయం కావాలని ప్రభుత్వ న్యాయవాది కోరిన మేరకు విచారణ వాయిదా పడింది. ఒకే అంశంపై రాష్ట్రవ్యాప్తంగా వివిధ పోలీస్ స్టేషన్లలో కేసులు నమోదవుతున్నాయని వర్మ లాయర్ వాదించారు.  చంద్రబాబు, పవన్ కళ్యాణ్, నారా లోకేశ్ ఫోటోలు మార్ఫింగ్ చేసి సోషల్ మీడియాలో వ్యక్తిత్వ హననకు పాల్పడినట్టు వర్మపై అభియోగాలున్నాయి. వర్మపై గత నాలుగురోజుల నుంచి పోలీసులు వెతుక్కున్నప్పటికీ వర్మ జాడలేదు. సడెన్ గా  హైకోర్టు నాశ్రయించి ముందస్తు బెయిల్ కు దరఖాస్తు చేసుకున్నారు.