అవినాష్‌రెడ్డికి కొత్త తలనొప్పి!

Publish Date:Jul 2, 2024

Advertisement

ఉన్న తలనొప్పులు చాలవన్నట్టు కడప ‘అమాయక’ ఎంపీ అవినాష్ రెడ్డికి కొత్త తలనొప్పులు చుట్టుకున్నాయి. బాబాయ్ మర్డర్ కేసుకు సంబంధించిన అసలు సిసలు విచారణ త్వరలో ప్రారంభం కాబోతోంది. ఇంతకాలం తనకు రక్షణగా నిలిచిన అన్నియ్య జగన్ అధికారం కోల్పోయాడు. తాను కడప నుంచి ఎంపీగా గెలిచినప్పటికీ ‘కడప’టి వరకూ ఆ పదవిలో కొనసాగుతాడో లేడో తెలియని పరిస్థితి. మరోవైపు కుటుంబం దూరమైపోయింది. తానెంత అమాయకంగా కనిపించినా ప్రతి కళ్ళూ తననే అనుమానంగా చూస్తూ వుంటాయి.... ఇలా ఇన్ని తలనొప్పులకు తోడు ఇప్పుడు ఆయనకు మరో  తలనొప్పి కూడా ఎదురైంది. అదే పెండింగ్ బిల్లుల తలనొప్పి.

జగన్ అధికారంలో వుండగా కడప పార్లమెంట్ నియోజకవర్గంలో అస్మదీయులైన కాంట్రాక్టర్లకు రకరకాల కాంట్రాక్టు పనులు పంచిపెట్టారు. తమకు రావలసిన తృణమో, పణమో ముందుగానే పుచ్చేసుకుని కాంట్రాక్టులు ఇచ్చారు. సదరు కాంట్రాక్టర్లు జేబులో డబ్బు ఖర్చుపెట్టి కొంతవరకు పనులు చేశారు. వాళ్ళకి జగన్ ప్రభుత్వం కాంట్రాక్టులు అయితే ఇచ్చిందిగానీ, బిల్లులు మాత్రం చెల్లించలేదు. జగన్ ప్రభుత్వం చివరి దశలో వున్నప్పుడు తమకు బిల్లులు చెల్లించాలని వాళ్ళందరూ అవినాష్ రెడ్డి మీద ఒత్తిడి తెచ్చారు. అయితే మళ్ళీ వచ్చేది అన్నియ్య ప్రభుత్వమే కాబట్టి, మళ్ళీ వచ్చాక ఇప్పటి పెండింగ్ బిల్లులన్నీ ఇచ్చేయడంతోపాటు కొత్త కాంట్రాక్టులు కూడా మీకే ఇస్తామని వాళ్ళకి సర్దిచెప్పారు. ఇప్పుడు జగన్ ప్రభుత్వం రాలేదు. జగన్ ప్రభుత్వం వచ్చినప్పుడు పోలవరం ప్రాజెక్టులాంటి పెద్ద ప్రాజెక్టు కాంట్రాక్టుల విషయంలోనే రివర్స్ టెండరింగ్ చేసిన చరిత్ర వుంది. మరి పిల్లబచ్చాల్లాంటి ఈ కాంట్రాక్టర్లను కొత్త ప్రభుత్వం ఎందుకు లెక్కచేస్తుంది? అడిగినంత డబ్బు ఎందుకు ఇస్తుంది? ఎంత ఖర్చుపెట్టారు? ఎందుకు ఖర్చుపెట్టారు... అంటూ బిల్లులను పెండింగ్‌లో పెట్టకుండా వుంటుందా? ఇలాంటి పరిస్థితి ఎదురైతే తమ నెత్తిన గుడ్డ పడటం ఖాయమని భయపడిపోతున్న కాంట్రాక్టర్లు మూకుమ్మడిగా అవినాష్ రెడ్డి దగ్గరకి వెళ్ళి తమ గోడును వెళ్ళబోసుకున్నారు. తమరి ప్రభుత్వం హయాంలో మాకు మొత్తం మూడు వందల కోట్ల రూపాయల బిల్లులు రావాలి.. వాటి పరిస్థితి ఏమిటని నిలదీశారు. 

కాంట్రాక్టర్లు తనను ఒక్కసారిగా అలా అడిగేసరికి ఈ అన్నచాటు తమ్ముడికి ఏం చెప్పాలో అర్థం కాక నీళ్ళు నమిలినట్టు సమాచారం. మిమ్మల్ని నమ్మి, మీకు సమర్పించుకోవాల్సినవి సమర్పించుకుని కాంట్రాక్టులు తీసున్నాం. ఇప్పుడు మాకు బిల్లులు రాకపోతే మా కుటుంబాలు ఆత్మహత్య చేసుకోవడం తప్ప వేరే మార్గం లేదని సదరు కాంట్రాక్టర్లు అవినాష్ రెడ్డిని ‘ఎమోషనల్ బ్లాక్ మెయిల్’ చేసినట్టు తెలుస్తోంది. ప్రభుత్వాన్ని డిమాండ్ చేసి, అవసరమైతే ఉద్యమాలు చేసి మీ బిల్లులు మీకు వచ్చేలా చేస్తానని వాళ్ళందరికీ హామీ ఇచ్చి పంపించేసరికి అవినాష్ రెడ్డి తలప్రాణం తోకలోకి వచ్చినట్టు తెలుస్తోంది. ఇప్పుడున్న పరిస్థితుల్లో తన మీద వున్న కేసులనే మేనేజ్ చేసుకునే స్థితిలో అవినాష్ రెడ్డి లేడు. మరోవైపు అన్నయ్య హిమాలయాలకు వెళ్దామనుకుని, చివరికి బెంగళూరు ప్యాలెస్‌లో స్థిరపడ్డారు. ఇప్పుడేం చేయాలో అర్థం కాని పరిస్థితిలో అవినాష్ రెడ్డి వున్నారు.

By
en-us Political News

  
విజయవాడలో ప్రతిష్ఠాత్మక రామోజీ ఎక్స్‌లెన్స్ అవార్డుల ప్రదానోత్సవం ఘనంగా నిర్వహించారు.
ఆన్‌లైన్ పరిచయం.. చాటింగ్‌తో స్నేహం.. వీడియో కాల్స్‌తో నమ్మకం.. ఆ తర్వాత ఇంటికి ఆహ్వానం. అంతా సజావుగా సాగుతున్నట్లే కనిపిస్తుంది. కానీ ఆ పరిచయాల వెనుక ఉన్నది స్నేహం కాదు
హైదరాబాద్ వేదికగా ఇటీవల జరిగిన భారత్ సమ్మిట్‌ 2026లో చోటుచేసుకున్న పరిణామాలు రాజకీయ వర్గాల్లో తీవ్ర చర్చకు దారితీశాయి.
సినిమాను తలపించిన నగల దొంగతనం..పట్టించిన పచ్చబొట్టు.!
హైదరాబాద్ నగరవాసులకు, ముఖ్యంగా బిర్యానీ ప్రియులకు భారీ షాక్ తగిలింది.
ప్రియుడి హత్యకు 19 ఏళ్ల యువతి సుపారీ.. షాకింగ్ ట్విస్ట్.!
దీపావళి పండుగను కుటుంబ సభ్యులతో కలిసి ఆనందంగా గడపడానికి స్వస్థలానికి వచ్చిన ఓ యువతికి మృత్యువు అనూహ్య రీతిలో ఎదురైంది.
హిందూ ధర్మంలో అత్యంత పవిత్రమైనదిగా భావించే కార్తీక మాసం ప్రారంభం కావడంతో తెలుగు రాష్ట్రాల్లోని శైవక్షేత్రాలన్నీ ఆధ్యాత్మిక శోభను సంతరించుకున్నాయి.
తెలుగు చలనచిత్ర పరిశ్రమలో మరో విషాద ఛాయలు అలుముకున్నాయి.
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
తెలుగు చలనచిత్ర పరిశ్రమలో తీవ్ర విషాదం చోటుచేసుకుంది.
తీపి పదార్థమనుకుని నోట్లో పెట్టుకున్నాడు.. చివరకు విగతజీవిగా మారాడు!
డిజిటల్ ఆర్థిక వ్యవస్థలో కీలక పాత్ర పోషిస్తున్న గిగ్ వర్కర్ల సంక్షేమానికి తెలంగాణ ప్రభుత్వం కీలక అడుగులు వేస్తోంది.
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.