జింబాబ్వేతో జరిగిన మూడు టి20ల సిరీస్ ను టీమ్ ఇండియా క్లీన్ స్వీప్ చేసింది. హరారే స్పోర్ట్స్ క్లబ్ వేదికగా ఆదివారం(జులై 26)  జరిగిన మూడో టీ20 మ్యాచ్ లో టీమ్ ఇండియా  35 పరుగుల తేడాతో విజయం సాధించి, మూడు మ్యాచ్‌ల సిరీస్‌ను 3-0 తేడాతో క్లీన్ స్వీప్ చేసింది. ఈ పర్యటనలో యంగ్ ఇండియా చూపించిన దూకుడు, సమష్టి ప్రదర్శన టీమిండియా భవిష్యత్తుకు బలమైన పునాదిగా నిలిచింది. తుది మ్యాచ్‌లో ప్రదర్శించిన ఆల్ రౌండ్ నైపుణ్యం మ్యాచ్‌కే ప్రత్యేక ఆకర్షణగా నిలిచింది.

టాస్ గెలిచి మొదట బ్యాటింగ్ ఎంచుకున్న భారత జట్టుకు ఆరంభంలోనే   ఎదురుదెబ్బ తగిలింది. ఓపెనర్ అభిషేక్ శర్మ కేవలం 2 పరుగులకే అవుట్ అయ్యాడు.  అయితే మరో ఓపెనర్,  యువ సంచలనం, బేబీ బాస్  వైభవ్ సూర్యవంశీ  ఆట స్వరూపాన్నే మార్చివేశాడు. వైభవ్ మైదానం నలుమూలలా  విరుచుకుపడుతూ ఆకాశమే హద్దుగా చెలరేగిపోయాడు. కేవలం 49 బంతుల్లోనే 8 ఫోర్లు, 4  సిక్సర్లతో 81 పరుగులు సాధించాడు. ఇషాన్ కిషన్ 29 పరుగులు, కెప్టెన్ శ్రేయస్ అయ్యర్ 27 పరుగులతో కీలక భాగస్వామ్యం నెలకొల్పి ఇన్నింగ్స్‌ను నిలబెట్టారు. ఆఖరి ఓవర్లలో రింకూ సింగ్  14 బంతుల్లోనే పాతిక  పరుగులు రాబట్టడంతో భారత్ నిర్ణీత 20 ఓవర్లలో 5 వికెట్ల నష్టానికి 192 పరుగుల స్కోరు చేసింది.  

193 పరుగుల లక్ష్యంతో బరిలోకి దిగిన జింబాబ్వే ఓపెనర్  బెన్నెట్‌ వికెట్ కోల్పోయింది.  మయాంక్ యాదవ్ ఈ వికెట్ పడగొట్టాడు.  అనంతరం యశ్ ఠాకూర్ ఒకే ఓవర్లో  డియాన్ మైయర్స్ (19),  కెప్టెన్ సికిందర్ రజా (0) లను ఔట్ చేయడంత జింబాబ్వే ఇక కోలుకోలేకపోయింది.  అయితే ఒక వైపు క్రమం తప్పకుండా వికెట్లు పడుతున్నా.. జింబాబ్వే ఆల్ రౌండర్ రియాన్ బర్ల్ ఒంటరి పోరాటం చేశాడు. బర్ల్ 43 బంతుల్లో 54 పరుగులు చేసి నాటౌట్‌గా నిలిచాడు. అయితే అతడి పోరాటం ఓటమి అంతరాన్ని తగ్గించింది తప్ప జట్టును ఓటమి నుంచి కాపాడలేకపోయింది.   

ndia vs Zimbabwe T20, India Clean Sweep, Vaibhav Suryavanshi 81, Mayank Yadav Bowling, IND vs ZIM 3rd T20, Harare Sports Club