జగన్ ఢిల్లీ ధర్నాకు ఇండియా కూటమి నేతలు.. జగన్ ది సెల్ఫ్ గోలేనా?

Publish Date:Jul 24, 2024

Advertisement

రాజకీయ హింసాకాండతో ఆంధ్రప్రదేశ్ రాష్ట్రం అల్లాడిపోతోందని ఆరోపిస్తూ, రాష్ట్రంలో రాష్ట్రపతి పాలన డిమాండ్ చేస్తూ మాజీ ముఖ్యమంత్రి, వైసీపీ అధినేత ఢిల్లీ వేదికగా ధర్నాకు దిగారు. తనకున్న 11 మంది ఎమ్మెల్యేలు, కొందరు ఎమ్మెల్సీలు, నలుగురు ఎంపీలు, పార్టీ రాజ్యసభ సభ్యులతో హస్తిన వేదికగా ఆయన చేసిన ధర్నా ఒక విధంగా సెల్ఫ్ గోలేనంటున్నారు పరిశీలకులు.

ఈ ధర్నా ద్వారా జగన్ తాను కాంగ్రెస్ నేతృత్వంలోని ఇండియా కూటమికి చేరువ అవుతున్నాన్న సంకేతాలు ఇచ్చారు. ఎందుకంటే ఈ ధర్నాకు కాంగ్రెస్ ఎంపీలు ఎవరూ హాజరు కాలేదు కానీ ఇండియా కూటమి భాగస్వామ్య పక్షాలైన సమాజ్ వాదీ పార్టీ. అన్నాడీఎంకే, శివసేన రెండు గ్రూపులు, ఐయుఎంఎల్ పార్టీలకు చెందిన సభ్యులు హాజరయ్యారు. అయితే అలా హాజరైన వారిలో అఖిలేష్ యాదవ్ ను మినహాయిస్తే మిగిలిన ఎవరూ పెద్దగా గుర్తింపు ఉన్న వారు కాదు. వారి వారి పార్టీల్లోనే వారు చిన్న నేతలు.

అయితే ఇక్కడ ప్రత్యేకంగా చెప్పుకోవలసి ఉన్నదంటూ ఏమైనా ఉందంటే అది వీరంతా ఇండియా కూటమి భాగస్వామ్య పక్షాలకు చెందిన నేతలు. వీరైనా ఎలా వచ్చారంటే.. గత పదేళ్లుగా రాజ్యసభ సభ్యుడిగా ఉన్న విజయసాయి రెడ్డి, ఆ క్రమంలో పలు పార్లమెంటరీ కమిటీల్లో ఉన్నారు. ఆ విధంగా ఆయన తనకున్న పలుకుబడిని ఉపయోగించి కొందరు ఎంపీలను జగన్ ధర్నాకు తీసుకురావడంలో సఫలమయ్యారు.

అలాగే మరో వైసీపీ రాజ్యసభ సభ్యుడు పరిమల్ నత్వానీ, ఈయన రిలయన్స్ ఇండస్ట్రీస్ లో ఓ డైరెక్టర్, ఈయనను జగన్ రాజ్యసభ సభ్యుడిగా నామినేట్ చేశారు. దీంతో ఆయన రిలయెన్స్ ఇండస్ట్రీస్ డైరెక్టర్ గా తన పరపతిని ఉపయోగించి మరి కొంత మంది ఎంపీలను జగన్ ధర్నాకు తీసుకువచ్చారు. సరే ఎలా వస్తే ఏమిటి కానీ, జగన్ ధర్నాకు కాంగ్రెస్ నేతృత్వంలోని ఇండియా కూటమి పార్టీలకు చెందిన కొందరు ఎంపీలు హస్తినలో జగన్ నిర్వహించిన ధర్నాకు హాజరయ్యారు. అంటే బీజేపీ వ్యతిరేక పార్టీలు జగన్ కు మద్దతుగా నిలిచాయి. దీని ద్వారా జగన్ కేంద్రంలో బీజేపీ నాయకత్వంలోని ఎన్డీయే ప్రభుత్వానికి తాను కాంగ్రెస్ కు, ఆ పార్టీ నాయకత్వంలోని ఇండియా కూటమికి చేరువ అవుతున్నాన్న స్పష్టమైన సంకేతాలు ఇచ్చారు. ఇలా సంకేతాలు పంపడం ద్వారా  రాజ్యసభలో తనకున్న సభ్యుల బలంతో బీజేపీని బ్లాక్ మెయిల్ చేయగలనని జగన్ భావిస్తుంటే భావిస్తుండ వచ్చు గాక, కానీ జగన్ పార్టీని చీల్చడం అన్నది చిటికెలో పని అని ఆ పార్టీ ఎంపీలు, ఎమ్మెల్యేలే సంకేతాలిస్తున్నారు.

ఇప్పటికే పలువురు వైసీపీ రాజ్యసభ సభ్యలు తెలుగుదేశం, జనసేన, బీజేపీతో టచ్ లోకి వెళ్లినట్లు రాజకీయవర్గాల్లో చర్చ జరుగుతోంది.  అదే జరిగితే ఇంత కాలం  ఏ బీజేపీ అండతో అయితే జగన్ తనపై ఉన్న అక్రమాస్తుల కేసుల విచారణ ను జాప్యం చేసుకోగలిగారో, అదే బీజేపీ ఆ కేసుల విచారణకు వేగవంతం చేసి జగన్ ను ఉక్కిరిబిక్కిర చేయడం ఖాయమని అంటున్నారు.  మొత్తం మీద ఇండియా కూటమి భాగస్వామ్య పక్షాల మద్దతుతో హస్తినలో ధర్నాకు దిగి జగన్ సెల్ఫ్ గోల్  చేసుకున్నారని పరిశీలకులు విశ్లేషిస్తున్నారు. 

By
en-us Political News

  
తెలుగు చలనచిత్ర పరిశ్రమలో మరో విషాద ఛాయలు అలుముకున్నాయి.
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
తెలుగు చలనచిత్ర పరిశ్రమలో తీవ్ర విషాదం చోటుచేసుకుంది.
తీపి పదార్థమనుకుని నోట్లో పెట్టుకున్నాడు.. చివరకు విగతజీవిగా మారాడు!
డిజిటల్ ఆర్థిక వ్యవస్థలో కీలక పాత్ర పోషిస్తున్న గిగ్ వర్కర్ల సంక్షేమానికి తెలంగాణ ప్రభుత్వం కీలక అడుగులు వేస్తోంది.
బంగారం ప్రియులకు ఇది నిజంగానే ఊరటనిచ్చే శుభవార్త అని చెప్పవచ్చు
తెలంగాణను ప్రపంచ పెట్టుబడులకు అనుకూలమైన రాష్ట్రంగా నిలబెట్టడమే లక్ష్యంగా ప్రభుత్వం ముందుకు సాగుతోందని ముఖ్యమంత్రి రేవంత్ రెడ్డి అన్నారు.
హానీట్రాప్ ఉచ్చులో పడిన వాయుసేన అధికారి.. షాకింగ్ నిజాలు వెల్లడించిన ఛార్జ్‌షీట్.!
మినీ బస్‌ను ఢీకొన్న ట్రక్కు.. 23 మంది మృతి.!
రాష్ట్రంలో 25 పారిశ్రామిక ఎకోసిస్టమ్ లను అభివృద్ధి చేస్తాం: లోకేష్
ఈ నేపథ్యంలో వైయస్ జగన్మోహన్ రెడ్డికి అత్యంత సన్నిహితుడైన చెవిరెడ్డి భాస్కర్ రెడ్డి వైసీపీ తరపున తొలిసారిగా విజయసాయి పార్టీపై స్పందించారు. అయితే, ఆయన తన స్పందనను చాలా సాధారణంగా, క్లుప్తంగా ముగించడమే కాకుండా విజయసాయి రెడ్డిని   తేలికగా తీసుకున్నట్లు కనిపించింది.
1999లో ఎయిర్‌పోర్టుల గురించి ఎవరూ పెద్దగా ఆలోచించని సమయంలోనే.. సీఎం చంద్రబాబు నాయుడు శంషాబాద్‌లో అంతర్జాతీయ విమానాశ్రయం నిర్మాణంపై దృష్టి పెట్టారు.
ఇంట్లో ఆడపిల్ల జన్మిస్తే ఆ ఇంటికి మహాలక్ష్మి వచ్చినట్టేనని పెద్దలు అంటారు.
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.