గురువిందకి గురువు జగన్!

Publish Date:Jun 14, 2024

Advertisement

అధికారంలో ఉన్నంత కాలం జగన్ కు, ఆయన పార్టీ నేతలకూ ఆత్మస్థుతి పరనింద తప్ప మరో విషయం తెలియనట్లుగా వ్యవహరించారు. ఇప్పుడు పార్టీ ఘోర పరాజయం పాలైన తరువాత, కనీసం ప్రతిపక్ష హోదా కూడా ఇవ్వకుండా జనం కర్రు కాల్చి వాతపెట్టిన తరువాత వారికి తెలియని మరో పదం ఇప్పుడు వారి డిక్షనరీలో చేరింది. అది ఆత్మ వంచన. ఔను ఇప్పుడు వైసీపీ ఆత్మస్థుతి, పరనిందలకు తోడు అత్మవంచన కూడా చేసుకుంది. తాజాగా జగన్ పార్టీ ఎమ్మెల్సీలు, నేతలతో భేటీలో మాట్లాడిన మాటలు వింటే అవిషయం విస్ఫష్టంగా అర్ధమౌతుంది.

ఐదేళ్ల అరాచకపాలనను జనం నిర్ద్వంద్వంగా తిరస్కరించారు. గత ఎన్నికలలో 151 సీట్లతో అందలం ఎక్కించిన జనమే ఇప్పుడు 11 ఔను 11 స్థానాలకు పరిమితం చేసి, నీ స్థాయి ఇది నాయనా అని బటన్ నొక్కి ఓటు వేసి మరీ చెప్పారు. అయినా జగన్ కు తత్వం బోధపడినట్లు కనిపించడం లేదు.  ఎవరైనా ఓటమి నుంచి గుణపాఠం నేర్చుకుంటారు. ఎందుకు ఓడిపోయాం అన్న విషయంపై సమీక్షలు నిర్వహించుకుని పోస్టు మార్టం చేసుకుంటారు. తప్పులు దిద్దుకుని, తిరిగి ప్రజాభిమానం చూరగొనేందుకు ప్రణాళికలు రచించుకుంటారు. కానీ అటువంటిదేమీ జగన్ లో కానీ, వైసీపీలో కానీ కనిపించడం లేదు. ఇప్పటికీ అదే ఆత్మస్థుతి, పరనింద, ఆత్మ వంచన.  

ఎమ్మెల్సీలతో భేటీలో జగన్ మాట్లాడిన మాటలు చూస్తే నవ్వి పోదురు గాక నాకేటి సిగ్గు అన్న చందంగా ఉన్నాయి. కొత్త ప్రభుత్వం ప్రమాణ స్వీకారం చేసి రెండు రోజులు గడిచాయో లేదో, చంద్రబాబు తన కేబినెట్ సహచరులకు ఇంకా శాఖలు కూడా కేటాయించలేదు. అయితే అప్పుడు జగన్  తన వికృత మనస్తత్వాన్ని ప్రదర్శించేశారు.  కేంద్రంలో కొలువుదీరిన మోడీ సర్కార్ పై ప్రత్యేక హోదా కోసం చంద్రబాబు పట్టుపట్టాలని డిమాండ్ చేస్తున్నారు. ఐదేళ్ల పాటు అధికారం వెలగబెట్టిన తాను ఆ పని ఎందుకు చేయలేదన్న ఆత్మ విమర్శ చేసుకుని, అలా పట్టుబట్ట లేకపోవడానికి కారణం తనపై ఉన్న కేసుల భయమేనని  ఒప్పుకుని ఈ డిమాండ్ చేసి ఉండాల్సింది. అసలు 2019 ఎన్నికలకు ముందు చంద్రబాబు కేంద్రంతో, మోడీతో విభేదించడానికి కారణం ప్రత్యేక హోదా, ప్రత్యేక ఆర్థిక ప్రతిపత్తి, విభజన    చట్టం మేరకు హామీల అమలుకోసమే కదా? 

ఇక రాష్ట్ర అవసరాలు, ప్రయోజనాల ఊసెత్తకుండా ఐదేళ్ల పాటు అధకారం వెలగబెట్టిన జగన్ ఎంత సేపూ తన కేసుల నుంచి రక్షణ కోసం వినా రాష్ట్రం కోసం కేంద్రానికి కనీసం ఒక్క వినతి కూడా చేయకుండానే నెట్టు కొచ్చేశారు. ఇప్పుడు కొత్తగా కొలువుదీరిన చంద్రబాబు సర్కార్ కు సుద్దులు బోధించడానికి రెడీ అయిపోయారు.  సరే అదలా ఉంచితే.. జగన్ ఐదేళ్లు ఇట్టే గడిచిపోతాయి, మళ్లీ మనమే అధికారంలోకి వస్తాం అంటూ ఎమ్మెల్సీలకు భరోసా ఇచ్చారు. అధికారంలో ఉన్న ఐదేళ్ల కాలంలో దేశంలోనే కాదు, ప్రపంచంలో ఎక్కడా జరగని విధంగా సంక్షేమ పథకాలు అమలు చేశామని చెప్పుకున్న జగన్, ఆ సంక్షేమ ఫలాలు అందుకున్న అవ్వా తాతలు, అక్కచెల్లెమ్మలు మనకు ద్రోహం చేశారని చెప్పుకొచ్చారు. వారు అలా ద్రోహం చేయడం వెనుక ఏదో పెద్ద కుట్ర ఉందన్న అనుమానమూ వ్యక్తం చేశారు. ట్యాంపరింగ్ టెక్నాలజీతో ఈవీఎంలను ట్యాంపర్ చేశారనీ ఆరోపణలు గుప్పించారు.  జగన్ ఈ తీరు ఆ పార్టీ ఉనికి మాత్రంగా కూడా మిగలకుండా కనుమరుగైపోవడానికే దారి తీస్తుందని పరిశీలకులు విశ్లేషిస్తున్నారు.

ఇప్పటికే వైసీపీలో ఓ వెలుగువెలిగిన నేతలంతా పార్టీకి ముఖం చాటేశారు. తెలుగుదేశం తలుపులు మూసుకుపోయిన వారంతా కాంగ్రెస్, బీజేపీలవైపు చూస్తున్నారు. ఆ భయంతోనే ఆయన తన జగన్మాయావాక్కులతో ఎమ్మెల్సీలను పార్టీ మారకుండా నిరోధించేందుకు ప్రయాసపడుతున్నారని పరిశీలకులు విశ్లేషిస్తున్నారు. ఐదేళ్లు కళ్లు మూసుకుంటే  మళ్లీ అధికారంలోకి వచ్చేస్తామంటూ ఆయన చెప్పిన మాటలకు వైసీపీ ఎమ్మెల్యేలే పెదవి విరుస్తున్నారు. ఐదేళ్లు కళ్లు మూసుకునే బదులు ఇప్పుడే కళ్లు తెరిచి జగన్ కు ఆయన కోసం ఆయన చేత ఆయనే ఏర్పాటు చేసుకున్న పార్టీకి ఎంత తొందరగా దూరమైతే అంత మేలని భావిస్తున్నారు.  

By
en-us Political News

  
కొలంబియా యూనివర్సిటీ వేదికగా రాహుల్ గాంధీ మాట్లాడుతూ, ప్రస్తుతం  దేశ ఆర్థిక వ్యవస్థ   పతనావస్థలో ఉందని రాహుల్ సంచలన వ్యాఖ్యలు చేశారు. దేశంలో నిరుద్యోగ సమస్య విపరీతంగా పెరిగిపోయిందని, యువతకు ఉపాధి అవకాశాలు కరవయ్యాయని ఆయన ఆరోపించారు.
తమ కుటుంబ వివాహ వేడుకకు తండ్రిసమానులైన ఒక సీనియర్ రాజకీయ నాయకుడిని ఆహ్వానించడంలో తప్పేముందని ప్రశ్నించిన షర్మిల.. దీనికి అనవసరమైన, అభ్యంతరకరమైన అర్థాలు ఆపాదించి ప్రచారం చేయడం జగన్ దిగజారుడుతనానికి నీచ మసస్థత్వానికి నిదర్శనమన్నారు.
తెలంగాణ ప్రభుత్వం ప్రతిష్టాత్మకంగా తెచ్చిన ఇందిరమ్మ కుటుంబ జీవిత బీమా పథకం వివరాలు. రూ. 5 లక్షల ఉచిత బీమా కవరేజ్, అర్హతలు, వయస్సు పరిమితి మరియు దరఖాస్తు విధానం గురించిన పూర్తి సమాచారం.
విజయవాడలో ప్రతిష్ఠాత్మక రామోజీ ఎక్స్‌లెన్స్ అవార్డుల ప్రదానోత్సవం ఘనంగా నిర్వహించారు.
ఆన్‌లైన్ పరిచయం.. చాటింగ్‌తో స్నేహం.. వీడియో కాల్స్‌తో నమ్మకం.. ఆ తర్వాత ఇంటికి ఆహ్వానం. అంతా సజావుగా సాగుతున్నట్లే కనిపిస్తుంది. కానీ ఆ పరిచయాల వెనుక ఉన్నది స్నేహం కాదు
హైదరాబాద్ వేదికగా ఇటీవల జరిగిన భారత్ సమ్మిట్‌ 2026లో చోటుచేసుకున్న పరిణామాలు రాజకీయ వర్గాల్లో తీవ్ర చర్చకు దారితీశాయి.
సినిమాను తలపించిన నగల దొంగతనం..పట్టించిన పచ్చబొట్టు.!
హైదరాబాద్ నగరవాసులకు, ముఖ్యంగా బిర్యానీ ప్రియులకు భారీ షాక్ తగిలింది.
ప్రియుడి హత్యకు 19 ఏళ్ల యువతి సుపారీ.. షాకింగ్ ట్విస్ట్.!
దీపావళి పండుగను కుటుంబ సభ్యులతో కలిసి ఆనందంగా గడపడానికి స్వస్థలానికి వచ్చిన ఓ యువతికి మృత్యువు అనూహ్య రీతిలో ఎదురైంది.
హిందూ ధర్మంలో అత్యంత పవిత్రమైనదిగా భావించే కార్తీక మాసం ప్రారంభం కావడంతో తెలుగు రాష్ట్రాల్లోని శైవక్షేత్రాలన్నీ ఆధ్యాత్మిక శోభను సంతరించుకున్నాయి.
తెలుగు చలనచిత్ర పరిశ్రమలో మరో విషాద ఛాయలు అలుముకున్నాయి.
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.