మధ్యప్రాచ్య సంక్షోభం, ఇంధన ధరల ఒత్తిడి, అమెరికా ఆర్థిక మందగమనం  మధ్య భారత్ ఎందుకు ఇంకా 6.8శాతం వృద్ధి దిశగా నిలబడగలుగుతోంది? ప్రపంచం మరోసారి చమురు ఆధారిత సంక్షోభానికి గురౌతున్న వేళ..  భారత్   ఆశ్చర్యకరంగా ఆర్థిక స్థిరత్వాన్ని కనబడుల్లోంది.   ఎస్ బీఐ అధ్యయనాల అంచనాల ప్రకారం 2027 ఆర్థిక సంవత్సరంలో భారత వృద్ధి 6.8 నుంచి 7.1శాతం మధ్య ఉండొచ్చు. , మధ్యప్రాచ్య ఉద్రిక్తతల ఒత్తిడిని భారత్ సమర్ధవంతంగా తట్టుకోగలదని ఈ అంచనా సూచిస్తోంది. 

మిడిల్ఈస్ట్ సంక్షోభంలో కూడా భారత్ ఆర్థిక స్థిరత్వం ఎలా సాధించింది?

భారత ఆర్థిక వ్యవస్థకు  బలం ఇచ్చేది దేశీయ వినియోగం, పటిష్టమైన బ్యాంకింగ్ వ్యవస్థ,  గత కొన్ని సంవత్సరాల్లో బలపడ్డ కార్పొరేట్ బ్యాలెన్స్ షీట్లు. 2026 ఆర్థిక సంవత్సరంలో 7.6శాతం వృద్ధి తరువాత కూడా, భారత్ బలమైన స్థితిలోనే ప్రపంచ అనిశ్చితిలోకి ప్రవేశిస్తోందని అధ్యయనం పేర్కొంది.  

భాకత్  ఈ సంక్షోభంలోకి అది బలమైన పునాదులతోనే అడుగుపెడుతోంది. ఇది సాధారణ విషయం కాదు. ప్రపంచ అనిశ్చితి పెరుగుతున్నా..  భారత వినియోగ రంగం, సేవల రంగం, బ్యాంకింగ్ వ్యవస్థలు స్థిరత్వాన్ని కొనసాగిస్తుండడం విశేషం.  

చమురు ధరల అసలు ప్రమాదం

మధ్యప్రాచ్య ఉద్రిక్తతల వల్ల ముడి చమురు ధరలు పైకి ఎగబాకితే, భారత్‌కు దాని ప్రభావం తక్షణమే కనిపిస్తుంది. ఎస్అండ్పి గ్లోబల్ రేటింగ్స్ సూచనల ప్రకారం..  బ్యారెల్ చమురు ధర 130డాలర్లకి చేరితే.. అది భారత్ వృద్ధిపై 0.8 శాతం ప్రభావం చూపే అవకాశం ఉంది.   బ్యారెల్  140 లేదా అంతకంటే ఎక్కువ డాలర్లకు చేరితే..    ద్రవ్యోల్బణం, కరెంట్ అకౌంట్ లోటు,   కార్పొరేట్ లాభాలపై  తీవ్రమైన ఒత్తిడి పడుతుంది. .ఈ ఒత్తిడి కేవలం ఇంధన ధరలకే పరిమితం కాదు. రవాణా ఖర్చులు, ఎరువుల ధరలు, తయారీ వ్యయం, విమానయానం, కెమికల్స్,   రిఫైనింగ్ రంగాలపైనా తీవ్ర ప్రబావం చూపుతుంది.  

అమెరికా ఈసారి ఎందుకు భిన్నం?

చరిత్రలో ప్రతి పెద్ద చమురు షాక్ అమెరికాను మాంద్యంలోకి నెట్టిందని ఎస్బీఐ అధ్యయనంచెబుతోంది. కానీ ఈసారి అమెరికా పరిస్థితి భిన్నం కావొచ్చని కూడా అది చెబుతోంది, ఎందుకంటే అమెరికా ఇప్పుడు నికర ఇంధన ఎగుమతిదారుగా మారింది. 
అయితే ఇది పూర్తి రక్షణ కాదు. పెరిగిన చమురు ధరలు అమెరికా ఆర్థిక వ్యవస్థపై గతంలోలాగే బాహ్య షాక్‌లను సృష్టించకపోయినా, దేశీయ వినియోగదారులపై భారాన్ని పెంచుతాయి. పన్ను వాపసుల వంటి ఉపశమన చర్యలు ప్రభావాన్ని కొంత తగ్గించవచ్చు.. కానీ ప్రపంచ సరఫరా గొలుసులు,  వినియోగ విశ్వాసం బలహీనపడే ప్రమాదం   ఉంటుంది.

ఆర్బీఐ ముందు సున్నిత సమతుల్యత

ఈ తరుణంలో రిజర్వ్ బ్యాంక్ ఆఫ్ ఇండియా ఎదుర్కొనే సవాలు చాలా సున్నితమైనది. వృద్ధిని కాపాడుతూ ద్రవ్యోల్బణాన్ని అదుపులో ఉంచాలి, అలాగే రూపాయి స్థిరత్వానికీ మద్దతు ఇవ్వాలి. ఎస్బీఐ అధ్యయనం ప్రకారం..  ప్రస్తుత ద్రవ్య విధాన వైఖరిని కొనసాగించే అవకాశమే ఎక్కువ. ద్రవ్యోల్బణం సగటు 4.5శాతం వద్ద ఉండొచ్చన్నది అంచనా.  అలాగే ద్రవ్యలోటు 4.5–4.6శాతం మధ్య ఉండొచ్చు.  భారత్‌కు ఈ సంవత్సరం వృద్ధి వర్సెస్ స్థిరత్వం అనే ద్వంద్వ సమీకరణను గుర్తుచేస్తున్నాయి. ​

గిఫ్ట్ సిటీకి, విమానాశ్రయాలకు కొత్త అవకాశం

అనిశ్చితి పెరిగినప్పుడు ప్రపంచ పెట్టుబడి ప్రవాహాలు మారతాయి. దుబాయ్, అబుదాబి వంటి ఆర్థిక కేంద్రాలు ఒత్తిడిని ఎదుర్కొంటున్న నేపథ్యంలో, గిఫ్ట్ సిటీ  వంటి భారత ఆర్థిక కేంద్రాలకు కొత్త ఆకర్షణ ఏర్పడే అవకాశం ఉంది. అదే విధంగా, మధ్యప్రాచ్య గగనతలంలో ప్రమాదాలు పెరిగితే..  భారత విమానాశ్రయాలు ప్రత్యామ్నాయ ట్రాన్సిట్ హబ్‌లుగా ఎదిగే అవకాశం ఉంది. అయితే అది జరగాలంటే కనెక్టివిటీ, ప్రయాణ అనుభవం,  మౌలిక వసతుల్లో భారీ పెట్టుబడులు అవసరం.

సంక్షోభం ఎప్పుడూ ఒక ప్రమాదమే కాదు; కొన్ని దేశాలకు అది అవకాశాన్ని కూడా తెస్తుంది. వ్యవసాయం, ఎంఎస్ ఎంఈలు, వినియోగం, చమురు షాక్‌ల అసలు ప్రభావం గ్రామీణ భారతం, చిన్న వ్యాపారాలు, మరియు మధ్యతరగతి వినియోగంలో కనిపిస్తుంది. వ్యవసాయ ఖర్చులు పెరగడం, ఎంఎస్ఎంఈల మార్జిన్లు కుంచించుకుపోవడం, వినియోగ ఖర్చులు తగ్గిపోవడం వంటివి  మొత్తం ఆర్థిక వ్యవస్థపై ప  ఒత్తిడిని పెంచుతాయి.అయినా కూడా..  భారత్‌లో ఉన్న విస్తారమైన దేశీయ మార్కెట్ ఈ షాక్‌ను పూర్తిగా తట్టుకునే సామర్థ్యాన్ని ఇస్తోంది. ప్రపంచం మందగమన భయంతో కుదేలవుతున్నా..  భారత్ తన అంతర్గత డిమాండ్‌తో కొంత స్థిరత్వాన్ని నిలబెట్టుకోగలుగుతోంది. 

మధ్యప్రాచ్య సంక్షోభం ప్రపంచ ఆర్థిక వ్యవస్థకు మరోసారి చమురు ఎంత రాజకీయమో తెలియజేస్తోంది. కానీ భారత్ మాత్రం ఈసారి బలహీనంగా కాదు.. బలమైన బ్యాంకింగ్, స్థిరమైన వినియోగం,  విధానపరమైన జాగ్రత్తలతో ముందుకు సాగుతోంది. 2027లో భారత్ లో  6.8 –7.1శాతం వృద్ధి సాధ్యమేనన్నది ఎస్బీఐ అంచనా. భారత్‌ ఆర్థిక ప్రస్థానం..   ప్రపంచ ఆర్థిక తుపాన్ల మధ్య కూడా నిలబడగలదని ఇది చెబుతోంది. అయితే ఆ నిలకడ  కొనసాగించాలంటే.. ఇంధన దిగుమతులపై ఆధారపడడాన్ని తగ్గించడం, ద్రవ్య విధానాన్ని సూక్ష్మంగా నిర్వహించడం,  అంతర్జాతీయ అనిశ్చితికి వేగంగా స్పందించగల సామర్థ్యాన్ని పెంచడం అవసరం. భారత్ ఎదుగుతోంది; కానీ ఈ ఎదుగుదల ఇప్పుడు ప్రపంచ చమురు తుఫాన్ల మధ్య మరింత పరీక్షకు గురవుతోంది.

References: 

https://www.whalesbook.com/news/Telugu/economy/India-Defends-Fiscal-Targets-Amid-Geopolitical-Storm-Faces-Growth-Doubts/69d5300131d4f2ab48127ae0 
https://testbook.com/question-answer/te/what-is-the-revised-growth-forecast-for-india-for--69d5d9e642059a0b733bb82b 
https://www.whalesbook.com/news/Telugu/economy/Middle-East-Conflict-Risks-1percent-Hit-to-India-GDP-Growth/69cb79ce3f30946a7236cefb 
https://www.andhrajyothy.com/2026/business/india-gdp-growth-may-slow-to-61-percent-inflation-likely-to-rise-to-51-percent-oecd-warns-1507746.html 
https://www.pib.gov.in/PressReleasePage.aspx?PRID=1895218 
https://m.dailyhunt.in/news/india/telugu/navatelangana-epaper-navatel/aarthika+vyavasthaku+chamuru+sega-newsid-n708485067 
https://www.whalesbook.com/news/Telugu/economy/Oil-Shocks-Risk-US-Growth-Indias-Economy-Holds-Firm-SBI-Report/69e485cdbca97ee10691a095 

సంకలనం, సేకరణ : సీతారాం కంఠంనేని