సీఐడీ మాజీ చీఫ్ సంజయ్, మాజీ ఏజీ పొన్నవోలు సుధాకర్ రెడ్డికి హైకోర్టు నోటీసులు జారీ చేసింది. ఈ విషయం మీద కౌంటర్ దాఖలు చేయాలని ప్రభుత్వాన్ని హైకోర్టు ఆదేశించింది. దర్యాప్తులో ఉన్న స్కిల్ కేసుపై మీడియా సమావేశం పెట్టడంపై హైకోర్టులో పిల్ దాఖలైంది. యునైటెడ్ ఫోరం ఫర్ యునైటెడ్ క్యాంపెయిన్ అధ్యక్షుడు సత్యనారాయణ ఈ పిల్ దాఖలు చేశారు. మీడియా సమావేశం పెట్టి ప్రజాధనం దుర్వినియోగం చేశారని పిల్‌లో పేర్కొన్నారు. పిల్‌ని పరిశీలించిన పరిశీలించి హైకోర్టు  ప్రధాన న్యాయమూర్తి ధర్మాసనం నోటీసులు జారీ చేసింది. ఈ కేసు విచారణను హైకోర్టు సెప్టెంబర్ 9కి వాయిదా వేసింది.