గణేష్ నిమజ్జనంలో అపశ్రుతి.. ఆరుగురు విద్యార్థులు దుర్మరణం.!

Publish Date:Sep 17, 2026

Advertisement

గణేష్  నిమజ్జన వేడుకలో   విషాదం చోటుచేసుకుంది. ఆనందోత్సాహాలతో సాగాల్సిన సంబరాల్లో జరిగిన అపశ్రుతి విషాదాన్ని నింపింది. . వినాయక విగ్రహాన్ని నీటిలో నిమజ్జనం చేసేందుకు వెళ్లిన ఆరుగురు విద్యార్థులు ప్రమాదవశాత్తు చెరువులో పడి ప్రాణాలు కోల్పోయారు.  

సంగారెడ్డి జిల్లా పరిధిలోని పటాన్‌చెరు మండలం పెద్దకంజర్ల గ్రామంలో ఈ దుర్ఘటన జరిగింది. గ్రామానికి సమీపంలో ఉన్న నేరేడు చెరువులో గణేష్ విగ్రహాన్ని నిమజ్జనం చేసేందుకు కొంతమంది విద్యార్థులు బృందంగా వెళ్లారు. అయితే..  చెరువులో మట్టి తవ్వకాల కారణంగా ఏర్పడిన లోతైన గుంతలను వారు ముందుగా గుర్తించలేకపోయారు. విగ్రహాన్ని నీటిలోకి తీసుకువెళ్లే క్రమంలో  వారు గుంతలో పడి మునిగిపోయారు.  సమాచారం అందుకున్న వెంటనే స్థానికులు, అధికారులు అప్రమత్తమై సహాయక చర్యలు చేపట్టినప్పటికీ ఫలితం లేకపోయింది.

ఈ ప్రమాదంలో మృతి చెందిన విద్యార్థులు స్థానిక శిరీష చారిటబుల్ ట్రస్ట్‌కు చెందిన వారిగా   గుర్తించారు. మృతులలో నర్సింహా రాజు (బీటెక్), సుమంత్ (డిప్లొమా సెకండ్ ఇయర్), గణేష్ (డిప్లొమా సెకండ్ ఇయర్), ఉదయ్ కిరణ్ (డిప్లొమా థర్డ్ ఇయర్), శ్యామ్ కుమార్ (డిప్లొమా ఫస్ట్ ఇయర్) అలాగే పదవ తరగతి చదువుతున్న సిద్ధార్థ్ ఉన్నట్లు పోలీసులు తేల్చారు.

 

ఘటన జరిగిన వెంటనే స్థానిక పోలీసులు, రెవెన్యూ అధికారులు హుటాహుటిన ఘటనాస్థలికి చేరుకుని పరిస్థితిని సమీక్షించారు.  మృతదేహాలను వెలికితీసి పోస్టుమార్టం నిమిత్తం సమీపంలోని ఆస్పత్రికి తరలించారు. ఈ హృదయ విదారక ఘటనపై రాష్ట్ర గవర్నర్ శివప్రతాప్  శుక్లా, ముఖ్యమంత్రి రేవంత్ రెడ్డి,  పలువురు ప్రముఖులు   దిగ్భ్రాంతి వ్యక్తం చేశారు. మృతుల కుటుంబాలకు తమ ప్రగాఢ సానుభూతిని తెలియజేశారు. బాధిత కుటుంబాలను అన్ని విధాలా ఆదుకోవాలని జిల్లా యంత్రాంగాన్ని ప్రభుత్వం ఆదేశించింది. మరోవైపు, ఈ ఘటనకు సంబంధించి పోలీసులు కేసు నమోదు  విచారణ చేపట్టారు. ట్రస్ట్ నిర్వాహకులను విచారించడం తోపాటు చెరువుల వద్ద భద్రతా లోపాలపై ఆరా తీస్తున్నారు. 

ఉత్సవాల సమయంలో తగినంత భద్రతా ప్రమాణాలు పాటించకపోవడం, ప్రమాదకర ప్రాంతాల వద్ద హెచ్చరిక బోర్డులు ఏర్పాటు చేయకపోవడం వల్లే ఇలాంటి ప్రాణ నష్టాలు జరుగుతున్నాయన్న విమర్శలు వ్యక్తమవుతున్నాయి. గ్రామీణ ప్రాంతాల్లోని చెరువులు, కుంటల వద్ద నిమజ్జన వేడుకల సమయంలో స్థానిక యంత్రాంగం పర్యవేక్షణ కొరవడటం కూడా ఇటువంటి ప్రమాదాలకు కారణమని అంటున్నారు.  

[Ganesh immersion tragedy, six students dead, Shirisha Charitable Trust, Sangareddy District, Telugu One]

By
en-us Political News

  
ప్రభుత్వ ఉద్యోగం.. అందులోనూ కీలకమైన టౌన్ ప్లానింగ్ అధికారి బాధ్యతలు.
హైదరాబాద్‌లోని జేఎన్‌టీయూ యూనివర్సిటీలో తీవ్ర విషాదం చోటుచేసుకుంది.
క్రీడా రంగానికి పెద్దపీట వేస్తూ రాష్ట్రంలో నిర్వహిస్తున్న ఖేలో ఇండియా క్రీడలు యువతలో ఉత్సాహాన్ని నింపుతాయని ప్రధాని రేవంత్ తో అన్నట్లు సమాచారం. ప్రధాని మోదీతో జరిగిన ఈ సమావేశం రాష్ట్ర ప్రయోజనాల దృష్ట్యా  ప్రాధాన్యత సంతరించుకుంది.
అలాగే మాజీ సీబీఐ డైరెక్టర్ ఎం. నాగేశ్వరరావు, సజ్జనార్‌పై  బహిరంగంగా పలు ఆరోపణలు, తీవ్ర వ్యాఖ్యలు చేశారనీ,   పోలీసు యూనిఫాం వెనుక దాక్కున్న నేరస్థుడిగా ఆయన సజ్జనార్ ను అభివర్ణించారనీ తన లేఖలో పేర్కొన్న రాజాసింగ్, అటువంటి ఆరోపణలను ఎదుర్కొంటున్న సజ్జనార్ పై చర్యలు తీసుకోకుండా కేవలం బదలీతో సరిపెట్టడమేంటని నిలదీశారు.
అక్వాన్ ప్రభావం ప్రధానంగా తెలంగాణలోని తూర్పు దక్షిణ జిల్లాలపై అధికంగా ఉంటుంది. ఈ నెల 20 నుంచి 22 వరకూ అక్వాన్ ప్రభావంతో తెలంగాణలో అతి భారీ వర్షాలు కురిసే అవకాశం ఉందన్న వాతావరణ శాఖ హెచ్చరికలతో ప్రభుత్వం అలర్ట్ అయ్యింది.  
ఐదు తులాల బంగారం ఆశ.. రెండున్నర తులాల గొలుసు స్వాహా.!
తెలంగాణలో పెట్టుబడులు పెట్టేందుకు వచ్చే పారిశ్రామికవేత్తలకు ప్రభుత్వం పూర్తి సహకారం అందిస్తుందని ముఖ్యమంత్రి ఎ. రేవంత్ రెడ్డి స్పష్టం చేశారు.
భారత రాజకీయాల్లో దేశంలోనే అత్యంత సంపన్నుల ఎదుగుదలపై, ముఖ్యంగా పారిశ్రామిక దిగ్గజం గౌతమ్ అదానీ అసాధారణ ప్రగతిపై లోక్‌సభ ప్రతిపక్ష నేత రాహుల్ గాంధీ మరోసారి తీవ్ర స్థాయిలో విరుచుకుపడ్డారు.
తెలంగాణ ప్రజలకు రాష్ట్ర ప్రభుత్వం మరో భారీ సంక్షేమ కానుకను అందించేందుకు సిద్ధమైంది.
women cricketer Nandini suicide,BCCI Under 19 cricket, Vikarabad crickete, rFemale cricketer suicide
బీసీ రాజ్యాధికార పాదయాత్రలో తన వాహనాన్ని లారీ ఢీకొట్టిన ఘటనపై తెలంగాణ రాజ్యాధికార పార్టీ అధినేత, ఎమ్మెల్సీ తీన్మార్ మల్లన్న తెలంగాణ డీజీపీకి ఫిర్యాదు చేశారు.
అక్రమ రవాణా ముఠాలకు సింహస్వప్నం.. వేలాది మంది బాధితులకు విముక్తి.. 2 వేల మందికి పైగా సివిల్ సర్వెంట్లకు మార్గదర్శకత్వం.
రాష్ట్రంలో ఎప్పుడూ చర్చనీయాంశంగా ఉండే అంశాలపై ప్రముఖులు స్పందిస్తుండడం రాజకీయ వర్గాల్లో తీవ్ర కలకలం రేపుతోంది.
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.