బిఆర్ఎస్ మాజీ ఎమ్మెల్యే బాల్కసుమన్ అరెస్ట్
Publish Date:Jun 21, 2024
Advertisement
బీఆర్ఎస్ నేత, మాజీ ఎమ్మెల్యే బాల్క సుమన్ను హైదరాబాద్లోని బంజారాహిల్స్ పోలీసులు అరెస్ట్ చేశారు. మాజీ స్పీకర్ పోచారం శ్రీనివాస్ రెడ్డి ఇంటిముందు ఆయన ఆందోళన చేశారు. ఈరోజు ముఖ్యమంత్రి రేవంత్ రెడ్డి సమక్షంలో పోచారం, ఆయన తనయుడు కాంగ్రెస్ పార్టీలో చేరారు. పోచారం తన ఇంట్లో కాంగ్రెస్ కండువా కప్పుకున్న సమయంలో బాల్క సుమన్, మరికొందరు బీఆర్ఎస్ కార్యకర్తలు లోనికి వెళ్లే ప్రయత్నం చేశారు. మాజీ మంత్రిని కలవాలంటూ గేట్లు తోసుకుంటూ లోనికి వెళ్లే ప్రయత్నం చేశారు. బీఆర్ఎస్ నేతలను కాంగ్రెస్ ప్రలోభాలకు గురి చేస్తోందని ఆరోపించారు. లోనికి వెళ్లే ప్రయత్నం చేసిన వారిని పోలీసులు అరెస్ట్ చేసి కోర్టుకు తరలించారు. ఆయనను కోర్టుకు తరలిస్తున్న సమయంలో బీఆర్ఎస్ కార్యకర్తలు బంజారాహిల్స్ పోలీస్ స్టేషన్ ఎదుట నిరసన తెలిపారు.
http://www.teluguone.com/news/content/former-brs-mla-balkasuman-arrested-25-179173.html





