అనుకున్న విధంగానే హిందూపూర్ నుంచి చంద్రబాబు పాదయాత్ర మొదలుపెట్టారు. చంద్రబాబు పాదయాత్ర “వస్తున్నా మీకోసం” విజయవంతం కావాలని ఊరూరా, వాడవాడలా అభిమానులు ప్రత్యేక పూజలు జరుపుతున్నారు. హిందూపూర్, రాప్తాడు, పెనుగొండ నియోజకవర్గాల్లో పాదయాత్రని పూర్తిచేసుకున్న చంద్రబాబు కళ్యాణదుర్గం అనే కంచుకోటలో ప్రవేశించారు. మంత్రి రఘువీరారెడ్డి నియోజకవర్గంలో పాదయాత్రని చంద్రబాబు ప్రతిష్ఠాత్మకంగా తీసుకుంటున్నారు. కుర్లపల్లి క్రాస్ నుంచి యాత్ర ప్రారంభం. కదిరిదేవరపల్లి, ములకనూరు, ములకనూరు మిట్ట, దాసంపల్లి, బోయలపల్లి, కానక్కపల్లి, కురుబరహళ్లి క్రాస్, నారాయణపురం క్రాస్, యర్రంపల్లి క్రాస్ కల్యాణదుర్గం పాదయాత్రలో మజిలీలు. బోయలపల్లిలో ఎన్టీఆర్ విగ్రహావిష్కరణ నియోజకవర్గంలో చంద్రబాబు పాదయాత్రలో స్పెషల్ అట్రాక్షన్. నిజానికిది ఓ రకంగా ముందస్తు ఎలక్షన్ క్యాంపెయిన్ అన్నది రాజకీయ విశ్లేషకులు చెబుతున్నమాట. గ్రామీణ ప్రాంతాల్లో కోల్పోయిన పట్టుని తిరిగి సంపాదించుకునేందుకు చంద్రబాబు చేపట్టిన విజయయాత్ర ఇదని ప్రత్యేకంగా చెప్పాల్సిన పనేలేదంటున్నారు.