ఉయ్యూరులో అన్న క్యాంటిన్.. చంద్రబాబే ప్రారంభించాలి!

Publish Date:Jun 14, 2024

Advertisement

ఏపీ సీఎంగా చంద్రబాబు నాయుడు బాధ్యతలు చేపట్టిన వెంటనే ఐదు హామీలపై సంతకాలు చేశారు. తొలి సంతకం మెగా డీఎస్సీపై పెట్టి నిరుద్యోగుల్లో ఆనందాన్ని నింపారు. దీనికితోడు ల్యాండ్ టైట్లింగ్ యాక్ట్ రద్దు, పింఛన్ రూ.4వేలకు పెంపు, నైపుణ్య గణనపై సంతకాలు చేశారు. ముఖ్యంగా పేదల ఆకలిని తీర్చే అన్న క్యాంటీన్లు పునరుద్ధరిస్తూ చంద్రబాబు ఐదవ సంతకం చేశారు. చంద్రబాబు నిర్ణయాలతో ఏపీ వ్యాప్తంగా హర్షాతిరేకాలు వ్యక్తమవుతున్నాయి. చంద్రబాబు చిత్రపటాలకు యువత, పేద వర్గాల ప్రజలు క్షీరాభిషేకాలు చేస్తున్నారు. ముఖ్యంగా అన్న క్యాంటీన్ల పునరుద్దరణ ఫైలుపై చంద్రబాబు సంతకం చేయడం పట్ల పేద వర్గాల ప్రజల నుంచి హర్షాతిరేకాలు క్తమవుతున్నాయి.

2014 నుంచి 2019 మధ్యకాలంలో టీడీపీ హయాంలో చంద్రబాబు నాయుడు రాష్ట్ర వ్యాప్తంగా అన్నక్యాంటీన్లు ఏర్పాటు చేశారు. వీటి ద్వారా ఉదయం రూ.5కే టిఫిన్, రూ. 5కే మధ్యాహ్నం భోజనం, రూ. 5కే రాత్రి భోజనం అందించేవారు. పేద ప్రజలు పెద్ద సంఖ్యలో అన్న క్యాంటీన్ల ద్వారా తమ కడుపునింపుకున్న పరిస్థితి. దీనికితోడు రాష్ట్రంలోని వివిధ ప్రాంతాల నుంచి పనుల నిమిత్తం, ఉపాధి నిమిత్తం అమరావతి రాజధాని ప్రాంతంకు వచ్చిన వారికి అన్న క్యాంటీన్ల ద్వారా భోజనాన్ని అందించారు. దీంతో పేద వర్గాల ప్రజలు గతంలో టీడీపీ ప్రభుత్వంపై ప్రశంసల జల్లు కురిపించారు. 2019 ఎన్నికల్లో వైసీపీ అధినేత జగన్ మోహన్ రెడ్డి సీఎంగా బాధ్యతలు చేపట్టారు. ఆ తరువాత నుంచి అన్న క్యాంటీన్లు పూర్తిగా తొలగించి పేదల కడుపుకొట్టాడు.  అన్న క్యాంటీన్లు తొలగించడంతో పేదలు పస్తులుండగాల్సిన పరిస్థితి ఏర్పడింది.

దీంతో పేద ప్రజల ఇబ్బందులను దృష్టిలో ఉంచుకొని కొందరు టీడీపీ నాయకులే సొంత ఖర్చులతో అన్న క్యాంటీన్లను నిర్వహిస్తూ వచ్చారు. వారిలో అత్యధికులు నియోజకవర్గ పార్టీ ఇన్ చార్జీలో, ఎమ్మెల్యే టికెట్  ఆశావహులో ఉన్నారు. కానీ కృష్ణా జిల్లా తెలుగు యువత అధ్యక్షుడు దండమూడి చౌదరి  మాత్రం ఎన్టీఆర్ పై అభిమానంతో, భక్తితో, చంద్రబాబుపై నమ్మకంతో, గౌరవంతొ, పార్టీ పట్ల అంకిత భావంతో తన కూడా సొంత ఖర్చులతో, స్థానిక సహకారంతో ఉయ్యూరులో అన్న క్యాంటీన్ నిర్వహించారు. ఈ క్రమంలో వైసీపీ నుంచి ఎన్నో వేధింపులను ఎదుర్కొన్నారు. కేసులు బనాయించినా  దీటుగా దృఢంగా నిలబడ్డారు. 

ఇప్పుడు చంద్రబాబు సీఎంగా బాధ్యతలు చేపట్టిన వెంటనే అన్న క్యాంటీన్లను పునరుద్దరిస్తూ సంతకం చేయడం పట్ల దండమూడి చౌదరి హర్షం వ్యక్తం చేశారు. ఈ సందర్భంగా ఆయన చంద్రబాబుకు   కృతజ్ఞతలు తెలుపుతూనే ఒక విజ్ణప్తి కూడా చేశారు.  

అన్న క్యాంటీన్ల పునరుద్దరణనను తాము నిర్వహించిన అన్న క్యాంటీన్ నుంచి సీఎం చంద్రబాబు నాయుడు  ఆరంభించాలన్నదే దండమూడి వినతి. ఈ మేరకు జిల్లా పార్టీ అధ్యక్షుడు కొణతాల నారాయణ, స్థానిక ఎమ్మెల్యే బోడే ప్రసాద్, గతంలో నియోజకవర్గం నుంచి ప్రాతినిధ్యం వహించి ప్రస్తుతం న్యూజివీడు నియోజకవర్గం నుంచి విజయం సాధించి మంత్రి అయిన కొలుసు ప్రార్ధసారధి వంటి నేతలు ఈ విషయాన్ని చంద్రబాబు దృష్టికి తీసుకెళ్లి తమ కోరిక తీర్చేలా చూడాలని దండమూడి చౌదరి కోరుతున్నారు. తద్వారా పార్టీ కష్టకాలంలో ఉన్నప్పుడు వైసీపీ దాష్టీకాలను ఎదుర్కొని పోరాడి నిలబడిన తన వంటి కార్యకర్తలకు గుర్తింపు లభించినట్లౌతుందన్నది దండమూడి చౌదరి భావన. ఈ చర్య  తనవంటి వారికి  పార్టీ కోసం మరింత పని చేయడానికి,  పార్టీని మరింత బలోపేతం చేసేందుకు కృషి చేయడానికి ప్రోత్సాహం ఇచ్చినట్లవుతుందని దండమూడి చౌదరి అంటున్నారు. ఇది డిమాండ్ కాదనీ, విజ్ణప్తి మాత్రమేనని పునరుద్ఘాటించిన దండమూడి కోరికను చంద్రబాబు తీరుస్తారనే అశిద్దాం. కార్యకర్తల కష్టాన్ని ఎప్పుడూ మరచిపోనని పదే పదే చెప్పే చంద్రబాబు దృష్టికి దండమూడి వినతి చేరాలని తెలుగుయువత కోరుతోంది. 

By
en-us Political News

  
కొలంబియా యూనివర్సిటీ వేదికగా రాహుల్ గాంధీ మాట్లాడుతూ, ప్రస్తుతం  దేశ ఆర్థిక వ్యవస్థ   పతనావస్థలో ఉందని రాహుల్ సంచలన వ్యాఖ్యలు చేశారు. దేశంలో నిరుద్యోగ సమస్య విపరీతంగా పెరిగిపోయిందని, యువతకు ఉపాధి అవకాశాలు కరవయ్యాయని ఆయన ఆరోపించారు.
తమ కుటుంబ వివాహ వేడుకకు తండ్రిసమానులైన ఒక సీనియర్ రాజకీయ నాయకుడిని ఆహ్వానించడంలో తప్పేముందని ప్రశ్నించిన షర్మిల.. దీనికి అనవసరమైన, అభ్యంతరకరమైన అర్థాలు ఆపాదించి ప్రచారం చేయడం జగన్ దిగజారుడుతనానికి నీచ మసస్థత్వానికి నిదర్శనమన్నారు.
తెలంగాణ ప్రభుత్వం ప్రతిష్టాత్మకంగా తెచ్చిన ఇందిరమ్మ కుటుంబ జీవిత బీమా పథకం వివరాలు. రూ. 5 లక్షల ఉచిత బీమా కవరేజ్, అర్హతలు, వయస్సు పరిమితి మరియు దరఖాస్తు విధానం గురించిన పూర్తి సమాచారం.
విజయవాడలో ప్రతిష్ఠాత్మక రామోజీ ఎక్స్‌లెన్స్ అవార్డుల ప్రదానోత్సవం ఘనంగా నిర్వహించారు.
ఆన్‌లైన్ పరిచయం.. చాటింగ్‌తో స్నేహం.. వీడియో కాల్స్‌తో నమ్మకం.. ఆ తర్వాత ఇంటికి ఆహ్వానం. అంతా సజావుగా సాగుతున్నట్లే కనిపిస్తుంది. కానీ ఆ పరిచయాల వెనుక ఉన్నది స్నేహం కాదు
హైదరాబాద్ వేదికగా ఇటీవల జరిగిన భారత్ సమ్మిట్‌ 2026లో చోటుచేసుకున్న పరిణామాలు రాజకీయ వర్గాల్లో తీవ్ర చర్చకు దారితీశాయి.
సినిమాను తలపించిన నగల దొంగతనం..పట్టించిన పచ్చబొట్టు.!
హైదరాబాద్ నగరవాసులకు, ముఖ్యంగా బిర్యానీ ప్రియులకు భారీ షాక్ తగిలింది.
ప్రియుడి హత్యకు 19 ఏళ్ల యువతి సుపారీ.. షాకింగ్ ట్విస్ట్.!
దీపావళి పండుగను కుటుంబ సభ్యులతో కలిసి ఆనందంగా గడపడానికి స్వస్థలానికి వచ్చిన ఓ యువతికి మృత్యువు అనూహ్య రీతిలో ఎదురైంది.
హిందూ ధర్మంలో అత్యంత పవిత్రమైనదిగా భావించే కార్తీక మాసం ప్రారంభం కావడంతో తెలుగు రాష్ట్రాల్లోని శైవక్షేత్రాలన్నీ ఆధ్యాత్మిక శోభను సంతరించుకున్నాయి.
తెలుగు చలనచిత్ర పరిశ్రమలో మరో విషాద ఛాయలు అలుముకున్నాయి.
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.