బొత్స నోట వైసీపీ ఓటమి మాట!

Publish Date:Nov 2, 2022

Advertisement

వచ్చే ఎన్నికలలో ఓటమి తప్పదని వైసీసీ ఇప్పటికే మానసికంగా ఫిక్సైపోయిందా? బొత్స మాటలు అలాగే ఉన్నాయి మరి. ఎలాగూ పరాజయం తప్పదు కనుక చేయగలిగినంత గందరగోళం చేసి పోవాలని భావిస్తోందా? వైసీపీ నేతలు, మంత్రుల మైండ్ సెట్ అలా ఫిక్సై పోయిందా? ఆ ఫ్రస్ట్రేషన్ లోనే బొత్స నోటికి వచ్చినట్లు మాట్లాడుతున్నారా? అన్ని ప్రజలకు చెప్పీ, వారి ఆమోదం పొంది చేయడం మావల్ల కాదు అని అనేందుకు సైతం సిద్ధపడటం వెనుక ఉన్న కారణం అదేనా? పరిశీలకులు మాత్రం బొత్స మాటల వెనుక మర్మం, ఉద్దేశం కూడా అదేనంటున్నారు. ఒక్క బొత్స  అనే కాదు.. మంత్రి ధర్మాన ప్రసాదరావు.. చివరాఖరికి ముఖ్యమంత్రి జగన్ కూడా రాష్ట్రంలో విధ్వంసం, విచ్ఛిన్నం, విద్వేషం పెచ్చరిల్లేలా వ్యాఖ్యలు చేస్తున్నారు. తాజాగా బొత్స సత్యనారాయణ ప్రజల అభీష్టాన్ని, ఆకాంక్షలను కించపరుస్తున్నట్లుగా మాట్లాడారు.

 ప్రభుత్వం ఏం అనుకుంటుందో అదే చేస్తుంది. అది తప్పయితే పెద్దగా జరిగేదేముంటుంది.. ఓడిపోతాం అంతే కదా అంటూ వ్యాఖ్యానించారు. ఆ మాటల ద్వారా ప్రజా శ్రేయస్సు, ప్రజాభీష్టం, ప్రజల ఆకాంక్షలు తమ సర్కార్ కు ఏ మాత్రం పట్టవని తాము తలచిందే చేస్తాం, మేం చేసిందే చట్టం అని చెప్పకనే చెప్పారు.    ఒక సీనియర్ మంత్రిగా, ప్రజలకు జవాబుదారీగా ఉండాల్సిన వ్యక్తి ఈ వ్యాఖ్యల ద్వారా తాము ప్రజలకు ఎంత మాత్రం జవాబుదారీ తనంగా ఉండాల్సిన అవసరం లేదని కుండబద్దలు కొట్టేశారు. తమ విధానాలు, కార్యక్రమాలు, పథకాలు జనానికి నచ్చక పోతే ఓటు వేయకుండా ఓడించండి..  అంతే కానీ ఇదేమిటి? ఎందుకిలా? ఇలా చేయండి వంటి మాటలు మాట్లాడద్దు, వినడానికి మేం సిద్ధంగా లేం అని ఒక విధంగా హెచ్చరిక చేసినట్లుగా  ఆయన మాటలు ఉన్నాయని పరిశీలకులు విశ్లేషిస్తున్నారు.  ఇక అంతకు ముందు మరో మంత్రి ధర్మాన ప్రసాదరావు ప్రభుత్వం అసలు మూడు రాజధానుల గురించి ఆలోచించడమే లేదనీ.. రాష్ట్రానికి ఒకే రాజధాని అది విశాఖపట్నమేనని చెప్పారు. ఇలా చేప్పడం వెనుక రాష్ట్రంలో ప్రాంతీయ విద్వేషాలు సృష్టించాలన్న ఉద్దేశమే ఉందని అంటున్నారు.

ఇప్పటి వరకూ మూడు రాజధానులంటూ చెబుతూ వచ్చిన ప్రభుత్వం ఇప్పుడు విశాఖ మాత్రమే రాజధాని అంటూ కొత్త పల్లవి ఎత్తుకోవడం వెనుక రాయలసీమలో అసంతృప్తి రగిలించాలన్న ఉద్దేశమే ఉందని పరిశీలకులు విశ్లేషిస్తున్నారు. ప్రాంతాల మధ్య విద్వేషాలు రెచ్చగొట్టి వచ్చే ఎన్నికల పబ్బం గడుపుకుని లబ్ధి పొందాలన్న సంకుచిత  రాజకీయ లక్ష్యంతోనే ధర్మాన ఆ రీతిగా మాట్లాడారని రాజకీయ వర్గాలు అంటున్నాయి. ఇక జగన్ కూడా ఇదే రీతిన ఒక ఆంగ్ల పత్రికకు ఇచ్చిన ప్రత్యేక ఇంటర్వ్యూలో  రాజధాని అన్నది సీఎం ఇష్టమని కొత్త భాష్యం చెప్పారు. అంటే సీఎం పాలన ఎక్కడ నుంచి సాగించాలని అనుకుంటారో అదే రాష్ట్ర రాజధాని అవుతుందన్నారు.

అదెలాగంటే.. సీఎం ఎక్కడ ఉంటే మంత్రులు అక్కడే ఉండాలని, మంత్రులతో పాటే సచివాలయం కూడా అక్కడే ఉంటుందని.. దీనిలో వివాదమేముందని ప్రశ్నించారు. అంటే తాను విశాఖ నుంచి పాలన సాగించాలని భావిస్తున్నందున ఆటోమేటిగ్గా విశాఖే రాజధాని అయిపోతుందని ఆయన మాటల అర్ధం. అంటే ఒక వేళ ప్రధాని మోడీ గుజరాత్ రాజధాని గాంధీనగర్ నుంచి పాలన సాగించాలనుకుంటే.. దేశ రాజధాని ఢిల్లీ కాకుండా గాంధీనగర్ గా మార్చేయడం కుదురుతుందా? అన్న ప్రశ్నలు తలెత్తుతున్నాయి.

జగన్, బొత్స, ధర్మానల మాటల వెనుక ఉన్న మర్మం ఒక్కటే రాష్ట్రంలో ప్రాతీయ విద్వేషాలు పెచ్చరిల్లి.. శాంతి భద్రతల సమస్య సృష్టించడమే. అప్పుడు పోలీసులను రంగంలోకి దింపు అమరావతి రాజధాని అన్న మాట కూడా ఎక్కడా వినిపించకుండా ధిక్కార స్వరాలను అణగదొక్కేయడమేనని పరిశీలకులు విశ్లేషిస్తున్నారు.  

By
en-us Political News

  
తెలంగాణలో కాంగ్రెస్ పార్టీ నాయకులు, కార్యకర్తలు కలిసికట్టుగా పనిచేయడం వల్లే గత అసెంబ్లీ ఎన్నికల్లో పార్టీ అధికారంలోకి రాగలిగిందని బి.ఎం. సందీప్ కుమార్ పేర్కొన్నారు.
సాధారణంగా   నాయకులు, తాము ప్రజలకు చేయగల పనుల విషయంలో వాస్తవికత వదిలేసి అతిశయోక్తులతో, అతి అంచనాలతో గొప్పలు చెప్పుకుంటుంటారు.
మొత్తం 28 జడ్పీ అధ్యక్ష, ఉపాధ్యక్ష స్థానాలకు జరిగిన ఎన్నికల్లో తెలుగుదేశం, జనసేన, బీజేపీ కూటమి 27 చోట్ల విజయం సాధించి తిరుగులేని ఆధిపత్యాన్ని ప్రదర్శించింది.  
అదానీతో సంబంధాలపై   రేవంత్ రెడ్డి స్పష్టత ఇచ్చారు. తెలంగాణలో అదానీ పెట్టుబడుల ద్వారా స్థానిక ప్రజలకు ఉపాధి అవకాశాలు కల్పిస్తున్నామని, ప్రజాధనాన్ని దోచి అదానీకి కట్టబెట్టే విధానం తమది కాదని స్పష్టం చేశారు. తెలంగాణలో బీజేపీకి బలమైన ఉనికి లేదని, ఇటీవలి జూబ్లీహిల్స్ ఉప ఎన్నికలో బీజేపీ డిపాజిట్ కూడా కోల్పోవడమే ఇందుకు నిదర్శనమన్నారు.
పోలీసుల హెచ్చరికలు, ఆంక్షలను బేఖాతరు చేస్తూ ఆయన భారీ కాన్వాయ్‌తో అక్కడికి రావడంపై స్థానిక ప్రజలు, తెలుగుదేశం వర్గీయులు  ఆగ్రహం వ్యక్తం చేశారు.  ఎంపీ కాన్వాయ్ ను అడ్డుకునే ప్రయత్నం చేశారు. ఈ సందర్భంగా  అంకాలమ్మ గూడూరులో ఘర్షణ వాతావరణం నెలకొంది. 
ఇదే వేదికపై నుంచి   544.11 కోట్ల రూపాయల విలువైన అభివృద్ధి పనులకు శంకుస్థాపనలు, ప్రారంభోత్సవాలు చేసిన రేవంత్ రెడ్డి,  ఇందిరమ్మ కుటుంబ జీవిత బీమా పథకాన్ని కూడా   ప్రారంభించారు.
కొలంబియా యూనివర్సిటీ వేదికగా రాహుల్ గాంధీ మాట్లాడుతూ, ప్రస్తుతం  దేశ ఆర్థిక వ్యవస్థ   పతనావస్థలో ఉందని రాహుల్ సంచలన వ్యాఖ్యలు చేశారు. దేశంలో నిరుద్యోగ సమస్య విపరీతంగా పెరిగిపోయిందని, యువతకు ఉపాధి అవకాశాలు కరవయ్యాయని ఆయన ఆరోపించారు.
తమ కుటుంబ వివాహ వేడుకకు తండ్రిసమానులైన ఒక సీనియర్ రాజకీయ నాయకుడిని ఆహ్వానించడంలో తప్పేముందని ప్రశ్నించిన షర్మిల.. దీనికి అనవసరమైన, అభ్యంతరకరమైన అర్థాలు ఆపాదించి ప్రచారం చేయడం జగన్ దిగజారుడుతనానికి నీచ మసస్థత్వానికి నిదర్శనమన్నారు.
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
ఈ నేపథ్యంలో వైయస్ జగన్మోహన్ రెడ్డికి అత్యంత సన్నిహితుడైన చెవిరెడ్డి భాస్కర్ రెడ్డి వైసీపీ తరపున తొలిసారిగా విజయసాయి పార్టీపై స్పందించారు. అయితే, ఆయన తన స్పందనను చాలా సాధారణంగా, క్లుప్తంగా ముగించడమే కాకుండా విజయసాయి రెడ్డిని   తేలికగా తీసుకున్నట్లు కనిపించింది.
వైసీపీకి సుదీర్ఘకాలం పాటు అత్యంత సన్నిహితుడిగా, కీలక నేతగా వ్యవహరించిన విజయసాయిరెడ్డి సొంతంగా కొత్త రాజకీయ పార్టీని ప్రకటించడం రాష్ట్ర రాజకీయ వర్గాల్లోచర్చకు తెరతీసింది.
పేద,  మధ్యతరగతి ప్రజల ఆదాయాన్ని పెంచేలా చర్యలు తీసుకోవడం వంటి హామీలను ప్రకటించారు. రాజకీయాల్లో పాత పద్ధతులకు స్వస్తి చెప్పి, ప్రజల ఆకాంక్షలకు అనుగుణంగా పరిపాలన అందించడమే తమ పార్టీ విధానమని విజయసాయిరెడ్డి చెప్పారు, 
విజయ్ ప్రభంజనంతో ఎంతోమంది సామాన్య అభ్యర్థులు సైతం ఎమ్మెల్యేలుగా విజయం సాధించారు. అయితే.. ప్రజలు అందించిన ఈ భారీ విజయాన్ని కొందరు ప్రజాప్రతినిధులు సరిగ్గా ఉపయోగించుకోలేకపోతున్నారనే విమర్శలు వ్యక్తమవుతున్నాయి.
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.