జాబితాలో 115 మంది.. బీఫారాలు అందింది 51 మందికే!

Publish Date:Oct 16, 2023

Advertisement

తెలుగువన్ మొదటి నుంచీ  ఏం చెబుతోందో అదే జరిగింది. తెలంగాణ ముఖ్యమంత్రి ఊరికి ముందు అంటే  ఎన్నికల షెడ్యూల్ కూడా వెలువడక ముందే ఒకటి కాదు రెండు కాదు ఏకంగా 115 స్థానాలలో పోటీ చేసే అభ్యర్థుల జాబితా ప్రకటించేశారు. రాష్ట్రంలో మొత్తం 119 అసెంబ్లీ నియోజకవర్గాలు ఉంటే.. వాటిలో నాలుగంటే నాలుగు పెండింగ్ లో పెట్టి.. ఒకే సారి 115 నియోజకవర్గాలలో పోటీ చేసే అభ్యర్థులను ప్రకటించేశారు.

అయితే ఆలా ప్రకటించినప్పుడే తెలుగువన్  జాబితాలో పేర్లు ఉన్న వారందరికీ బీఫాంలు ఇచ్చే అవకాశం లేదని అంచనా వేసింది. ఇప్పుడు అదే జరిగింది. ఆర్భాటంగా 115 మంది అభ్యర్థులను ప్రకటించేసినా ఆదివారం ( అక్టోబర్ 15)న కేసీఆర్ తన చేతుల మీదుగా వారిలో  51 మందికి మాత్రమే  బీ-ఫారాలు అందజేశారు. వాటితో పాటు ఎన్నికల ఖర్చుల కోసం రూ. 40 లక్షల పార్టీ ఫండ్ ను కూడా అందించారు. మిగిలిన వారికి రిక్త హస్తమేనా అన్న చర్చ రాజకీయవర్గాలలో జోరుగా సాగుతోంది. అసలు ఈ చర్చ అన్ని పార్టీల కంటే ఎక్కువగా బీఆర్ఎస్ శ్రేణుల్లోనే జరుగుతోంది. అయితే మిగిలిన బీఫారాలు సిద్ధం కాలేదనీ, ఒకటి రెండు రోజులలో అందరికీ ఈస్తామనీ పార్టీ హైకమాండ్ చెబుతోంది.  

కేసీఆర్ ప్రకటించిన జాబితాలో మార్పులూ చేర్పులూ ఉంటాయనీ, ఉండక తప్పదనీ ఆయన ఆ జాబితా ప్రకటించిన  నాటి నుంచీ కూడా పార్టీలోనే పెద్దఎత్తున చర్యలు జరుగుతున్నాయి. జాబితా ప్రకటన తరువాత వెల్లువెత్తిన అసంతృప్తిని నామినేటెడ్ పదవులతో చల్లార్చాలని చేసిన ప్రయత్నాలు అంతంత మాత్రంగా కూడా ఫలితాన్నివ్వలేదని పార్టీ శ్రేణులే పెదవి విరిచాయి. ఈ నేపథ్యంలోనే ఇప్పుడు ప్రకటించిన అందరికీ బీఫారాలు ఇవ్వకుండా  పెండింగ్ లో పెట్టడంతో  జాబితాలో మార్పులు, చేర్పులపై జరుగుతున్న ప్రచారం మరింత జోరందుకుంది.  ప్రధానంగా కాంగ్రెస్ పార్టీ అభ్యర్థుల ప్రకటన పూర్తి అయ్యేదాకా వేచి చూసే వ్యూహంతో కేసీఆర్ ఉన్నారని అంటున్నారు.

పార్టీలో అసంతృప్తిని చల్లార్చే ప్రయత్నాలు విఫలం కావడంతో కేసీఆర్ ఇప్పుడు కాంగ్రెస్ పార్టీలో టికెట్ల ప్రకటన తరువాత పరిస్థితిని బట్టి ముందడుగు వేయాలని భావిస్తున్నట్లు పరిశీలకులు విశ్లేషిస్తున్నారు. ఏది ఏమైనా ప్రకటించిన అభ్యర్థులందరికీ ఒకే సారి భీపారాలు అన్న కేసీఆర్ ఇప్పుడు అవి రెడీ కాలేదని చెప్పడాన్ని ఇతర పార్టీలే కాదు.. సొంత పార్టీ వారు కూడా నమ్మడం లేదు.    ముచ్చటగా మూడవసారి గెలిచి హ్యాట్రిక్  సాధించాలనే లక్ష్యంతో వ్యూహాత్మకంగా, ముందుగానే, అభ్యర్ధులను ప్రకటించి, ప్రత్యర్ధులకు సవాలు విసిరిన కేసీఆర్ ఇప్పుడు డిఫెన్స్ లో పడ్డారని పరిశీలకులు అంటున్నారు.

అయితే ఇప్పుడేమిటి? ఆయనలో ఏమూలో పార్టీ విజయావకాశాలపై అనుమానాలు తలెత్తడంతోనే ముందుగానే  అభ్యర్థులను ప్రకటించేశారనీ, అసమ్మతి ఉధృతిని చూసి అవసరమైతే మార్పులూ చేర్పులూ చేసుకోవడానికి వీలుగా ఆయనీ ఆప్షన్ ఎంచుకున్నారనీ  అప్పట్లోనే పరిశీలకులు విశ్లేషించారు. ఇక ప్రకటించిన క్షణం  నుంచీ కేసీఆర్ కసరత్తు అంతా  ఆ జాబితాలో మార్పులూ, చేర్పుల మీదే ఉందని కూడా అంటున్నారు.  మొత్తం మీద ఆదివారం (అక్టోబర్ 15) ఆయన ప్రకటించిన జాబితాలో కేవలం 51 మందికి మాత్రమే బీఫారాలు ఇచ్చారు. దీంతో టికెట్లు దక్కిన వారందరికీ బీఫారాలు ఇవ్వకపోవచ్చునన్న పార్టీ వర్గాల ప్రచారం నిజమై కూర్చుంది. రెండు మూడు రోజుల్లో మిగిలిన వారికి బీఫారాలు ఇస్తామని చెబుతున్నప్పటికీ.. కొందరికి మొండి చేయి తప్పక పోవచ్చునని పరిశీలకులు అంటున్నారు.  

టికెట్  వస్తుందో రాదో అనే అనుమానంతో పక్క చూపులు చూస్తున్న వారిని కట్టడి చేసేందుకే  కేసీఆర్ గంపగుత్తగా ఒకే సారి 115 మంది అభ్యర్థులతో జాబితా విడుదల అయితే చేశారు  కానీ, ఆ జాబితాలో ఉన్న వారందరికీ  బీఫారంలు ఇస్తారన్న నమ్మకం  లేదన్న ప్రచారం అప్పట్లోనే బీఆర్ఎస్ శ్రేణుల్లో పెద్ద ఎత్తున జరిగింది.  ఇప్పుడు ఆ ప్రచారమే నిజమైందని అంటున్నారు. 

By
en-us Political News

  
తెలంగాణ కాంగ్రెస్ రాజకీయ వర్గాల్లో గత కొంతకాలంగా నెలకొన్న ఉత్కంఠకు అఖిల భారత కాంగ్రెస్ కమిటీ (ఏఐసీసీ) అధికారికంగా తెరదించింది.
ఈ నేపథ్యంలో వైయస్ జగన్మోహన్ రెడ్డికి అత్యంత సన్నిహితుడైన చెవిరెడ్డి భాస్కర్ రెడ్డి వైసీపీ తరపున తొలిసారిగా విజయసాయి పార్టీపై స్పందించారు. అయితే, ఆయన తన స్పందనను చాలా సాధారణంగా, క్లుప్తంగా ముగించడమే కాకుండా విజయసాయి రెడ్డిని   తేలికగా తీసుకున్నట్లు కనిపించింది.
వైసీపీకి సుదీర్ఘకాలం పాటు అత్యంత సన్నిహితుడిగా, కీలక నేతగా వ్యవహరించిన విజయసాయిరెడ్డి సొంతంగా కొత్త రాజకీయ పార్టీని ప్రకటించడం రాష్ట్ర రాజకీయ వర్గాల్లోచర్చకు తెరతీసింది.
పేద,  మధ్యతరగతి ప్రజల ఆదాయాన్ని పెంచేలా చర్యలు తీసుకోవడం వంటి హామీలను ప్రకటించారు. రాజకీయాల్లో పాత పద్ధతులకు స్వస్తి చెప్పి, ప్రజల ఆకాంక్షలకు అనుగుణంగా పరిపాలన అందించడమే తమ పార్టీ విధానమని విజయసాయిరెడ్డి చెప్పారు, 
విజయ్ ప్రభంజనంతో ఎంతోమంది సామాన్య అభ్యర్థులు సైతం ఎమ్మెల్యేలుగా విజయం సాధించారు. అయితే.. ప్రజలు అందించిన ఈ భారీ విజయాన్ని కొందరు ప్రజాప్రతినిధులు సరిగ్గా ఉపయోగించుకోలేకపోతున్నారనే విమర్శలు వ్యక్తమవుతున్నాయి.
కడప జిల్లా రాజకీయాల్లో ఆసక్తికర పరిణామాలు చోటుచేసుకుంటున్నాయి.
ప్రతి ఒక్కరికీ నిర్దిష్ట పాత్రలు ఉండేలా చంద్రబాబు    రూపొందించిన వ్యవస్థ వల్ల  కుటుంబంలో అంతర్గత విభేదాలు రాకుండా, ఎవరికీ తక్కువ అనే భావన కలగకుండా ఉందనీ, కుటుంబంలో అందరం సమానమేననీ చెప్పారు.
నిన్నటి వరకూ జగన్ కు పెట్టని కోటలా నిలిచిన పులివెందులలో ఇప్పుడు తెలుగుదేశం జెండా ఘనంగా ఎగురుతోంది.  సుదీర్ఘకాలంగా వైసీపీకి తిరుగులేని కంచుకోటగా ఉన్ పులివెందుల పరిధిలో తెలుగుదేశం పార్టీ తన ఉనికిని బలంగా చాటుకుంటోంది.
వైసీపీ అధినేత వైఎస్ జగన్‌మోహన్‌రెడ్డి తీరుపై ఆ పార్టీ నుంచి బయటకు వచ్చిన మాజీ ఎంపీ విజయసాయి రెడ్డి తీవ్రస్థాయిలో మండిపడ్డారు.
తుఫాను కారణంగా చీరాల మన్సిపాల్టీలో ఓట్ల లెక్కింపు శుక్రవారం (నవంబర్ 5) జరుగుతోంది. ఇప్పటి వరకు ఎక్కడా కనీసం డిపాజిట్ కూడా దక్కని కాంగ్రెస్ ఖాతాలో  తొలి విజయం నమోదైంది. కాంగ్రెస్ పార్టీ చీరాల మునిసిపోల్స్ లో గట్టి పోటీ ఇచ్చింది. 25వ వార్డులో విజయం సాధించింది.  25వ వార్డు నుంచి బరిలోకి దిగిన కాంగ్రెస్ అభ్యర్థి వెంకట్రావు విజయం సాధించారు. 
పోలింగ్ సరళి, వెలువడిన ఫలితాలు వైసీపీ శిబిరంలో ఆందోళన కలిగిస్తుంటే వైసీపీ అధినేత, మాజీ సీఎం జగన్ మాత్రం మేకపోతు గాంభీర్యం ప్రదర్శిస్తూ, అధికార తెలుగుదేశం కూటమి అరాచకాలు, అధికార దుర్వినియోగం తమ ఓటమికి కారణాలుగా చూపడానికి ప్రయత్నిస్తున్నారు.  ఎన్నికల ఫలితాల వెల్లడి తర్వాత వైఎస్ జగన్ నిర్వహించిన ఈ మీడియా సమావేశంలో జగన్ చెప్పిందే చెప్పారు. 
కాంగ్రెస్, కమ్మూనిస్టుల మద్దతుతో ఎన్నికల బరిలోకి దిగిన ఏబీవీకి ఘోర పరాజయం ఎదురైన సంగతి తెలిసిందే. కమ్యూనిస్టులకు అంతో ఇంతో పట్టున్న ప్రాంతాలలో కూడా ఆయనకు ఓట్లు రాలలేదు. ఇక కాంగ్రెస్ మద్దతు ఆయనకు ఎందుకూ కొరగాకుండా పోయింది. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.