ఇన్ స్టా గ్రామ్ వేధింపులు భరించలేక టెన్త్ విద్యార్థిని ఆత్మహత్యకు పాల్పడిన విషాద ఘటన హాయత్ నగర్ పరిధిలో జరిగింది. సినీమాలు, సోషల్ మీడియా ప్రభావం యువతను తప్పుదోవ పట్టిస్తు న్నదనడానికి తార్కానంగా ఈ సంఘటనను చెప్పుకోవచ్చు.  

హయత్‌నగర్ పరిధిలోని కుంట్లూరు ప్రాంతంలో ఉన్న ఒక ప్రైవేట్ పాఠశాలలో పదవ తరగతి చదువుతున్న ఓ బాలుడు, బాలికల మధ్య   పరిచయం   ఇన్‌స్టాగ్రామ్‌  చాటింగ్  వరకూ వెళ్లింది.   ఇదే అవకాశంగా తీసుకున్న ఆ బాలుడు బాలికను ఇన్ స్టాగ్రామ్ లో వేధించడం మొదలు పెట్టాడు. ఆ వేధింపులు భరించలేక ఆ బాలిక పలు మార్లు ఆ బాలుడిని మందలించింది.  

అయినా ఫలితం లేకపోగా, ఇటీవలి కాలంలో ఆ వేధింపులు మరింత ఎక్కువయ్యాయి.  దీంతో ఆ వేధింపులకు తాళలేక టెన్త్ చదువుతున్న ఆ బాలిక ఇంట్లో ఎవరూ లేని సమయంలో ఆత్మహత్యకు పాల్పడింది.   ఘటనా స్థలానికి చేరుకున్న పోలీసులు పోస్టుమార్టం నిమిత్తం మృతదేహాన్ని హైదరాబాదుకు తరలించి కేసు నమోదు చేసుకుని దర్యాప్తు ప్రారంభించారు.