లగడపాటి ల్యాంకోపై ఆస్ట్రేలియాలో 350కోట్ల డాలర్ల నష్టపరిహార దావా

Publish Date:Jun 2, 2012

Advertisement

ఐ.సి.ఐ.సి.ఐ. బ్యాంకుకు రూ 3వేల కోట్ల మేర టోపీ పెట్టిన ల్యాంకో రాజగోపాల్ ఆస్ట్రేలియాలోని వివాదాస్పద గనులపై లోన్ తీసుకుని బ్యాంకును మోసగించిన ల్యాంకో ఆస్ట్రేలియాలోని ఒప్పందాలను ఉల్లంఘించి వర్ధమాన్ యూరియా కంపెనీని దివాళా తీయించిన ల్యాంకో వెస్ట్రన్ ఆస్ట్రేలియా కోర్టులో ల్యాంకోపై 350కోట్ల డాలర్ల నష్టపరిహార దావా!



ఖద్దరు బట్టలు ధరించి ఎప్పుడూ ఇతరులకు నీతులు బోధించే లగడపాటి రాజగోపాల్ స్థాపించిన ల్యాంకో గ్రూప్ అక్రమాలకూ ఆలవాలంగా మారింది. దేశంలోనే కాకుండా విదేశాల్లో కూడా లగడపాటి ఆయన సోదరుడు మధుసూదన్ అనైతిక, అక్రమాలకూ పాల్పడుతూ ఇటు దేశీయ బ్యాంకును అతి విదీషీ కంపెనీలను నట్టేట ముంచుతున్నారు. వీరి ఘనకార్యాలకు తాజాగా మనదేశంలో ఐ.సి.ఐ.సి.ఐ. బ్యాంకు ఆస్ట్రేలియాలోని గ్రిఫిన్ కోల్ మైన్స్, వర్దిమాన్ ఫెర్టిలైజర్స్ బలైపోయాయి. రాజగోపాల్ వ్యవస్థాపకుడుగా ఉన్న ల్యాంకో ఇన్ఫ్రాస్ట్రక్చర్స్ లిమిటెడ్ గత ఏడాది మే 4వ తేదీన వెస్ట్రన్ ఆస్ట్రేలియాలోని పెరట నగరానికి సమీపాన దివాళా తీసిన గ్రిఫిన్ కోల్ మైన్స్ ను సుమారు 750 మిలియన్ల ఆస్ట్రేలియన్ డాలర్లకు కొనగోలు చేసింది. ఈ కంపెనీ 350 మిలియన్ ఆస్ట్రేలియన్ డాలర్ల రుణాలను చెల్లించలేక 2011 జనవరి 3వ తేదీన దివాళా పిటిషన్ పెట్టింది. ఇలా దివాళా తీసిన కంపెనీని మే నెలలో ల్యాంకో ఇన్ఫ్రాస్ట్రక్చర్ లిమిటెడ్ కొనుగోలు చేసింది. ఇక్కడ దాకా అంతా బాగానే ఉండి. గ్రిఫిన్ కోల్ మైన్స్ దివాళా ప్రకటించడానికి ముందు వర్ధమాన్ ఫర్టిలైజర్స్ కంపెనీతో బొగ్గు సరఫరా ఒప్పందాన్ని కుదుర్చుకుంది. బొగ్గును గ్యాస్ గా మార్చి యూరియాగా మార్చే ప్రపంచంలోనే అతి పెద్ద కర్మాగారాన్ని సుమారు 3.5 బిలియన్ డాలర్ల పెట్టుబడితో నెలకొల్పాలని వర్దిమాన్ యాజమాన్యం కలలు గన్నది. ఈ కర్మాగారం ఏర్పాటుకు వర్దిమాన్ కంపెనీ యజమాని 42 సంవత్సరాల వికాస్ రాంబాల్ తన సొంతనిథులు సుమారు రెండువందల మిలియన్ డాలర్లు ఈ ప్రాజెక్టుపై ఖర్చు పెట్టారు. మిగిలిన మొత్తాన్ని ఆర్ధికసంస్థల నుంచి నిథులుగా పొందాలనుకున్నారు వికాస్ రాంబాల్. ఈ నిథుల సమీకరణకు ఆయన ప్రయత్నిస్తుండగా ల్యాంకో ఇన్ఫ్రాస్ట్రక్చర్స్ లిమిటెడ్ రంగంలోకి దిగింది.



నష్టాలో ఉన్న కంపెనీని కొనుగోలు చేయడంతో పాటు గ్రిఫిన్స్ కోల్ మైన్ అప్పటికే వర్తిమాన్ ఫర్టిలైజర్స్ తో చేసుకున్న బొగ్గు సరఫరా ఒప్పందాన్ని గౌరవించటానికి, కొత్త  గనుల అన్వేషణ, అభివృద్ధికి, పెర్త్ పోర్ట్ అభివృద్ధికి అంగీకరించింది. ఆస్ట్రేలియా చట్టాల ప్రకారం విదేశీ సంస్థలు తమ దేశంలోని గనులను కొనుగోలు చేయాలంటే ఇటువంటి షరతులకు అంగీకరించాల్సి ఉంటుంది. ల్యాంకో ఇన్ఫ్రాస్ట్రక్చర్స్ లిమిటెడ్ కోల్ మైన్స్ ను కొనుగోలు చేసిన తరువాత మాట మార్చింది. గతంలో గ్రిఫిన్ కోల్ మైన్స్ సంస్థ తక్కువ ధరకే బొగ్గు సరఫరాకు వర్దిమాన్ ఫెర్టిలైజర్స్ తో ఒప్పందం కుదుర్చుకుందని, ఇప్పుడు ఆ రేటు పెంచితే తప్ప బొగ్గును సరఫరా చేయబోమని స్పష్టం చేసింది. దీనితో వర్దిమాన్ ఫెర్టిలైజర్స్ సంక్షోభంలో పడింది. బొగ్గు సరఫరా లేకపోవడంతో వర్దిమాన్ ఫెర్టిలైజర్స్ కు రుణాలు ఇవ్వడానికీ బ్యాంకర్లు ముందుకు రాలేదు. దీంతో మొత్తం ప్రాజెక్టు నిలిచిపోయింది. ల్యాంకో అనైతిక, అక్రమ చర్యల కారణంగా తాము అపారంగా నష్టపోయామని దానికి పరిహారంగా తమకు 3.5 మిలియన్ డాలర్ల నష్టపరిహారం (ల్యాంకో కోల్ మైన్స్ ను 750 మిలియన్ డాలర్లకు కొనుగోలు చేసింది. ఈ మొత్తానికన్నా ఐదు రెట్లు ఎక్కువ పరిహారం వర్దిమాన్ కోరుతోంది) కోరుతూ వెస్ట్రన్ ఆస్ట్రేలియా కోర్టులో కేసు వేసింది.



ఈ కేసు విచారణలో ఉన్నందున కోల్ మైన్స్ పై ఎటువంటి లావాదేవీలు చేయరాదని కోర్టు ఆదేశించింది. ఇక్కడ నుంచే ల్యాంకో సంస్థ మరో పెద్ద కుంభకోణానికి తెరతీసింది. ఈ కోల్ మైన్స్ పై కోర్టులో వివాదం ఉన్నప్పటికీ ఈ విషయాన్ని మరుగున పరిచి ఈ కోల్ మైన్స్ ను ఐ.సి.ఐ.సి.ఐ. బ్యాంకుకు తనఖా పెట్టి మూడువేల కోట్ల రూపాయల రుణాన్ని పొందింది. ఈ విషయాన్ని తెలుసుకున్న వర్దిమాన్ ఫెర్టిలైజర్స్ కంపెనీ కోర్టు ముందు లబోదిబోమంది. ఒకవైపు తాము నష్ట పరిహారం కోసం ప్రయత్నిస్తుండగా మరోవైపు వివాదంలో ఉన్న కోల్ మైన్స్ ను ఐ.సి.ఐ.సి.ఐ. బ్యాంకుకు తాకట్టు పెట్టిందని ఒకవేళ తాము ఈ కేసులో గెలిస్తే ల్యాంకో తమకు ఎక్కడ నుంచి డబ్బు తెచ్చి నష్టపరిహారం చెల్లిస్తుందని ప్రశ్నించింది. దీనికి అక్కడి వెస్ట్రన్ ఆస్ట్రేలియా న్యాయశాఖ స్పందిస్తూ ల్యాంకో ఐ.సి.ఐ.సి.ఐ.కు పెట్టిన తాకట్టు చెల్లదని పేర్కొంది. దీంతో ఐ.సి.ఐ.సి.ఐ. బ్యాంకు ల్యాంకో ఉచ్చులో ఇరుక్కుపోయింది. ఇది ఇలా ఉండగా ల్యాంకో సంస్థ తమతో చేసుకున్న కొనుగోలు ఒప్పందంలోని డెవలప్ మెంట్, ఎక్స్ ప్లోరేషన్ క్లాజ్ లతో పాటు వర్దిమాన్ బొగ్గు సరఫరా ఒప్పందాన్ని ఉల్లంఘించిందని అందువల్ల కోల్ మైన్స్ అమ్మకపు ఒప్పందాన్ని రద్దు చేసుకున్నట్లు గ్రిఫిన్ కోల్ మైన్స్ యాజమాన్యం ప్రకటించింది. ఇదే జరిగితే ఐ.సి.ఐ.సి.ఐ. బ్యాంకు ఇచ్చిన మూడువేల కోట్ల రుణానికి ముప్పు ఏర్పడినట్లే.

By
en-us Political News

  
ప్రభుత్వ ఉద్యోగం.. అందులోనూ కీలకమైన టౌన్ ప్లానింగ్ అధికారి బాధ్యతలు.
హైదరాబాద్‌లోని జేఎన్‌టీయూ యూనివర్సిటీలో తీవ్ర విషాదం చోటుచేసుకుంది.
క్రీడా రంగానికి పెద్దపీట వేస్తూ రాష్ట్రంలో నిర్వహిస్తున్న ఖేలో ఇండియా క్రీడలు యువతలో ఉత్సాహాన్ని నింపుతాయని ప్రధాని రేవంత్ తో అన్నట్లు సమాచారం. ప్రధాని మోదీతో జరిగిన ఈ సమావేశం రాష్ట్ర ప్రయోజనాల దృష్ట్యా  ప్రాధాన్యత సంతరించుకుంది.
అలాగే మాజీ సీబీఐ డైరెక్టర్ ఎం. నాగేశ్వరరావు, సజ్జనార్‌పై  బహిరంగంగా పలు ఆరోపణలు, తీవ్ర వ్యాఖ్యలు చేశారనీ,   పోలీసు యూనిఫాం వెనుక దాక్కున్న నేరస్థుడిగా ఆయన సజ్జనార్ ను అభివర్ణించారనీ తన లేఖలో పేర్కొన్న రాజాసింగ్, అటువంటి ఆరోపణలను ఎదుర్కొంటున్న సజ్జనార్ పై చర్యలు తీసుకోకుండా కేవలం బదలీతో సరిపెట్టడమేంటని నిలదీశారు.
అక్వాన్ ప్రభావం ప్రధానంగా తెలంగాణలోని తూర్పు దక్షిణ జిల్లాలపై అధికంగా ఉంటుంది. ఈ నెల 20 నుంచి 22 వరకూ అక్వాన్ ప్రభావంతో తెలంగాణలో అతి భారీ వర్షాలు కురిసే అవకాశం ఉందన్న వాతావరణ శాఖ హెచ్చరికలతో ప్రభుత్వం అలర్ట్ అయ్యింది.  
ఐదు తులాల బంగారం ఆశ.. రెండున్నర తులాల గొలుసు స్వాహా.!
తెలంగాణలో పెట్టుబడులు పెట్టేందుకు వచ్చే పారిశ్రామికవేత్తలకు ప్రభుత్వం పూర్తి సహకారం అందిస్తుందని ముఖ్యమంత్రి ఎ. రేవంత్ రెడ్డి స్పష్టం చేశారు.
భారత రాజకీయాల్లో దేశంలోనే అత్యంత సంపన్నుల ఎదుగుదలపై, ముఖ్యంగా పారిశ్రామిక దిగ్గజం గౌతమ్ అదానీ అసాధారణ ప్రగతిపై లోక్‌సభ ప్రతిపక్ష నేత రాహుల్ గాంధీ మరోసారి తీవ్ర స్థాయిలో విరుచుకుపడ్డారు.
తెలంగాణ ప్రజలకు రాష్ట్ర ప్రభుత్వం మరో భారీ సంక్షేమ కానుకను అందించేందుకు సిద్ధమైంది.
women cricketer Nandini suicide,BCCI Under 19 cricket, Vikarabad crickete, rFemale cricketer suicide
బీసీ రాజ్యాధికార పాదయాత్రలో తన వాహనాన్ని లారీ ఢీకొట్టిన ఘటనపై తెలంగాణ రాజ్యాధికార పార్టీ అధినేత, ఎమ్మెల్సీ తీన్మార్ మల్లన్న తెలంగాణ డీజీపీకి ఫిర్యాదు చేశారు.
అక్రమ రవాణా ముఠాలకు సింహస్వప్నం.. వేలాది మంది బాధితులకు విముక్తి.. 2 వేల మందికి పైగా సివిల్ సర్వెంట్లకు మార్గదర్శకత్వం.
రాష్ట్రంలో ఎప్పుడూ చర్చనీయాంశంగా ఉండే అంశాలపై ప్రముఖులు స్పందిస్తుండడం రాజకీయ వర్గాల్లో తీవ్ర కలకలం రేపుతోంది.
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.