తెలుగు హీరో ఉదయ్ కిరణ్, నిషితల వివాహ వేడుక అన్నవరం సత్యనారాయణ స్వామి దేవాలయంలో నిరాడంబరంగా జరిగింది. బుధవారం అనగా 4.26 గంటలకు జరిగే ఉదయ్‌కిరణ్ వివాహం సందర్భంగా మంగళవారం పెళ్లివారంతా రత్నగిరికి చేరుకున్నారు. వివాహ వేడుకను నిరాడంబరంగా కొద్దిమంది స్నేహితులు, కుటుంబ సభ్యుల మధ్య నిర్వహించారు. ఉదయం 11 గంటల నుంచి రెండు గంటల వరకూ స్నాతకం, తదితర కార్యక్రమాలు నిర్వహించారు. రాత్రి పది గంటల నుంచి పెళ్లివేడుక ప్రారంభమైంది. ఉదయ్‌కిరణ్, విషితలను వధూవరులను చేసి వారిచే వరపూజ చేసే కార్యక్రమాన్ని పండితులు నిర్వహించారు. సినీ హీరో అల్లరి నరేష్ వివాహానికి హాజరై వధూవరులను ఆశీర్వదించారు.