ట్విట్టర్, యాహూలో విలీనం..?

ట్విట్టర్, యాహూలో విలీనం కానుందా? అంటే అవుననే వార్తలే వినిపిస్తున్నాయి. ట్విట్టర్ సీఈవో, యాహూ సీఈవో ఇద్దరు ఈ విషయంపై గంటలపాటు జరిపి ఈనిర్ణయం తీసుకున్నట్టు తెలుస్తోంది. వెబ్ ఆధారిత సేవలు అందించడంలో ముందున్న యాహూనుంచి సేవలందుకునేందుకు ట్విట్టర్ ఆసక్తి చూపుతోందని సమాచారం. అంతేకాదు ప్రస్తుతం ఫేస్ బుక్ ప్రపంచ వ్యాప్తంగా దూసుకుపోతున్న నేపథ్యంలో  ట్విట్టర్, యాహూలో విలీనం కావడం రెండు సంస్థలకు లాభిస్తుందని నిపుణులు అభిప్రాయపడుతున్నారు. అయితే దీనికి సంబంధించి రెండు సంస్థలు ఇప్పటివరకూ ఎలాంటి అధికార ప్రకటన చేయలేదు. చట్టప్రకారం విలీనం పూర్తయ్యాక దీనిపై ప్రకటన చేస్తే మంచిదని రెండు సంస్థలు భావిస్తున్నాయని నిపుణులు వ్యాఖ్యానిస్తున్నారు. మరి దీనిపై రెండు సంస్థలు నోరు విప్పితే కాని అసలు విషయం తెలుస్తుంది.