షూటింగ్ లకు తెలంగాణ సర్కార్ అనుమతి

తెలంగాణలో సినిమా, టీవీ షూటింగులు కొనసాగించుకోవడానికి తెలంగాణ ప్రభుత్వం అనుమతి ఇచ్చింది. దీనికి సంబంధించిన ఫైలుపై సీఎం కేసీఆర్ సంతకం చేశారు. కోవిడ్ 19 మార్గదర్శకాలు, లాక్ డౌన్ నిబంధనలు పాటిస్తూ.. సినిమా, టీవీ షూటింగ్ లు కొనసాగించుకోవడానికి పర్మిషన్ ఇచ్చారు. పరిమిత సిబ్బందితో, ప్రభుత్వ మార్గదర్శకాలు పాటిస్తూ షూటింగులు నిర్వహించుకోవచ్చని, షూటింగులు పూర్తయిన వాటి పోస్ట్ ప్రొడక్షన్ పనులు కూడా నిర్వహించుకోవచ్చని స్పష్టం చేశారు. అయితే, థియేటర్లు తెరిచేందుకు మాత్రం అనుమతి ఇవ్వలేదు. కేంద్ర ప్రభుత్వ మార్గదర్శకాలను పాటించాల్సి ఉన్నందున థియేటర్లను ప్రారంభించడానికి తెలంగాణ ప్రభుత్వం అనుమతి నిరాకరించింది.