అగస్టా స్కాంలో కొత్త విషయాలు.. త్యాగి కోడ్ నేమ్ 'అపురూప లావణ్యవతి'

అగస్టా వెస్ట్ ల్యాండ్ హెలికాఫ్టర్ల కుంభకోణంలో మాజీ ఎయిర్ చీఫ్ మార్షల్ ఎస్పీ త్యాగికి భారీగా ముడుపులు అందాయన్న ఆరోపణలు వచ్చిన నేపథ్యంలో ఈడీ త్యాగిని విచారిస్తున్న సంగతి తెలిసిందే. అయితే ఈ విచారణలో ఆసక్తికర విషయాలు బయటపడుతున్నాయి. డీల్ కోసం సంప్రదింపులు జరిపే సమయంలో ఎస్పీ త్యాగిని ఇటలీ మధ్యవర్తులు కోడ్ నేమ్ తో సంబోధించే వారట. తమ సంభాషణల్లో త్యాగిని 'అపురూప లావణ్యవతి' (ఇటలీ భాషలో గియులి లేదా గియులియా)గా సంబోధించేవారట. మార్చి 25, 2012లో వీరిద్దరినీ మిలాన్ లోని మల్పెన్సా ఎయిర్ పోర్టులో త్యాగి కలుసుకున్నాడని సీబీఐ, ఈడీ అధికారులు సేకరించిన పత్రాల్లో ఉంది. " ఆపై తిరిగి వెళుతూ, చాపర్ డీల్ లో ఇటలీ విచారణ పట్ల గియులియా ఆందోళన వ్యక్తం చేశారు" అని ఆ పత్రాల్లో ఉన్నట్టు సమాచారం.