ధైర్యం ఉంటే నా చరిత్ర బయటపెట్టు.. షబ్బీర్ అలీ

కాంగ్రెస్ పార్టీ సీనియర్ నేత షబ్బీర్ అలీ మంత్రి తలసాని శ్రీనివాస్ యాదవ్‌ పై మండిపడ్డారు. ఆలుగడ్డ శీను కంటే తాను సీనియర్‌ను అని, ఆయనకు దమ్ము, ధైర్యం ఉంటే తన చరిత్రను బయటపెట్టాలని తలసాని శ్రీనివాస్ యాదవ్‌కు సవాల్ చేశారు. రాజీనామా చేశానని తలసాని నాటకాలు ఆడుతున్నారని.. ఆయన నిజంగానే రాజీనామా చేస్తే ఇంతవరకూ రాజీనామా ఎందుకు ఆమోదం పొందలేదని ప్రశ్నించారు. తలసాని దొంగమాటలను ఎట్టి పరిస్థితుల్లోను నమ్మేది లేదని ఎద్దేవ చేశారు. రాజీనామా విషయం చెప్పమంటే బ్లాక్ మెయిల్ చేసే మాటలు మాట్లాడుతూ, అసలు విషయాన్ని పక్క దారి పట్టిస్తున్నారన్నారు. తలసాని భయపెడితే భయపడేవాళ్లు ఇక్కడ ఎవరూ లేరని అన్నారు.