సౌదీ రాజు అబ్దుల్లా మృతి

సౌదీ అరేబియా రాజు అబ్దుల్లా బిన్ అబ్దుల్ అజీజ్ శుక్రవారం నాడు మరణించారు. ఆయన వయసు 90 సంవత్సరాలు. ఆయన గత కొంతకాలంగా న్యుమోనియాతో బాధపడుతున్నారు. అబ్దుల్లా 2005 సంవత్సరంలో సౌదీ అరేబియాకి రాజయ్యారు. రాజు అబ్దుల్లా మరణించడంతో ఆయన సోదరుడైన 79 సంవత్సరాల సల్మాన్ సౌదీ అరేబియాకు రాజయ్యారు. సౌదీ అరేబియా రాజు అబ్దుల్లా మరణం పట్ల ప్రపంచ దేశాలు సంతాపాన్ని ప్రకటిస్తున్నాయి. అబ్దుల్లా సమర్థుడైన రాజుగా పేరు సంపాదించుకున్నారు. సౌదీలో అల్ ఖైదా అడుగు పెట్టడానికి వీల్లేకుండా చర్యలు తీసుకున్నారు.