రాయల 'టి'కి ఒప్పుకోం

రాయల తెలంగాణ ప్రతిపాదనను ఎట్టి పరిస్థితుల్లో అంగీకరించేది లేదని టిఆర్‌ఎస్‌ పార్టీ తీర్మానించింది. తెలంగాణ ప్రజలు కేవలం పది జిల్లాల తెలంగాణ మాత్రమే కోరుకుంటున్నారని.. అది కాదని ఎలాంటి నిర్ణయం తీసుకున్నా మరో ఉద్యమానికి సిద్దమవుతాం అని పార్టీ అధినేత కేసిఆర్‌ అన్నారు. రాయల తెలంగాణ అన్నది ఇప్పటి వరకు ఊహాగానాలే అని, ఒక వేళ అధికారికంగా అలాంటి ప్రకటన వస్తే మరోసారి ఉద్యమానికి సిద్దం కావాలని కేసిఆర్‌ పార్టీ శ్రేణులకు పిలుపునిచ్చారు. తెలంగాణ ఏర్పాటు కోసం రాయలసీమ అస్థిత్వాన్ని కోల్పోవటం తమకు ఇష్టం లేదని, కేవలం రాజకీయా కారణాలతోనే రాయల తెలంగాణ ప్రతిపాదన తెరమీదకు తీసుకువచ్చారని కెసిఆర్‌ అన్నారు.