టిడిపికి రాజీనామా చేయను: ఆర్.కృష్ణయ్య

తెలంగాణ తెలుగుదేశం ఎమ్మెల్యే, బిసి సంఘం అద్యక్షుడు ఆర్.కృష్ణయ్య టిడిపి పార్టీని వీడుతున్నట్టు వస్తున్న వార్తలను ఖండించారు. ఆయన పార్టీని వీడి వెళ్లే అవకాశం ఉందని మీడియాలో ప్రచారం జరగడంతో ఆయన దీనిపై వివరణ ఇచ్చారు. తాను తెలుగుదేశం పార్టీని వదిలి వెళ్లే ప్రసక్తే లేదని, పార్టీని వీడుతున్నట్టు వస్తున్న వార్తలు కేవలం కల్పితం మాత్రమేనని అన్నారు. టీడీపీలో తనకు ఎలాంటి ఇబ్బందులు లేవని, పార్టీ అధినేత బీసీల కోసం పాటుపడుతున్నారని చెప్పారు. ఎన్నికల్లో ఇచ్చిన హామీలు అమలు జరిగేలా చూడాలని సీఎం కేసిఆర్ ని కోరినట్లు తెలిపారు. ప్రైవేటు పాఠశాలల్లో చదివే విద్యార్థులకు ప్రభుత్వమే ఫీజులు చెల్లించాలని కోరినట్టు చెప్పారు.