తల్లి దండ్రులను హత్య చేసిన కేసులో మోడల్ ప్రియాంకా సింగ్ కు , ఆమెకు సహకరించిన తన స్నేహితురాలు అంజూకు జీవిత ఖైదు శిక్ష పడింది. వివరాల ప్రకారం.. ప్రియాంక సింగ్ ఆమె తల్లిదండ్రులు సంతోష్ సింగ్, ప్రేమ్ వీర్ సింగ్ లు మీరట్ లోని ప్రేమ్ ప్రయోగ్ కాలనీలో ఉండేవారు. అయితే ప్రియాంక సింగ్ కు వారికి ఆస్తి గురించి, కుటుంబ సమస్యలతో తరుచుగా గొడవలు జరిగేవి. ఈ నేపథ్యంలో 2008 సంవత్సరం నవంబర్ 11వ తేదీన ప్రియాంకసింగ్ కన్నతల్లిదండ్రులని కూడా చూడకుండా వారిని అతి దారుణంగా కత్తితో పొడిచి చంపేసింది. అయితే ఈ హత్య కేసులో బరిలో దిగిన పోలీసులకు ప్రియాంకా సింగ్ పొంతన లేని సమాధానాలు చెప్పడంతో తమ శైలిలో విచారణ చేపట్టేసరికి అసలు నిజం చెప్పింది. తానే తన తల్లి దండ్రులను హత్యచేశాని, తాను సంపాదించిన సొమ్ము తీసుకొని తనను నిర్లక్ష్యంగా చూసేవారని అందుకే హత్య చేశానని అంగీకరించింది. దీంతో ప్రియాంక సింగ్ కు యావజ్జీవ శిక్ష విధిస్తున్నట్లు మీరట్ జిల్లా కోర్టు స్పష్టం చేసింది.
.webp)
