ఆ సమయంలో కారు నడుపుతున్న జానకిరామ్

నందమూరి కుటుంబంలో పెను విషాదం జరిగింది. రోడ్డు ప్రమాదంలో నందమూరి హరికృష్ణ కుమారుడు నందమూరి జానకిరామ్ దుర్మరణం పాలైన విషయం తెలిసిందే. నల్గొండ జిల్లా మునగాల మండలం ఆకుపాముల దగ్గర జరిగిన రోడ్డు ప్రమాదంలో ఆయన దుర్మరణం చెందారు. విజయవాడ నుంచి హైదరాబాద్‌కి వస్తుండగా ఆయన కారును ట్రాక్టర్ ఢీకొనడనంతో ఈ ప్రమాదం జరిగింది. ప్రమాదం జరిగిన సమయంలో కారులో జానకిరామ్‌తోపాటు కారు డ్రైవర్ కూడా వున్నాడు. ఈ ప్రమాదంలో కారు డ్రైవర్ గాయపడ్డాడు. అయితే ప్రమాదం జరిగిన సమయంలో కారును జానకిరామ్‌ నడుపుతున్నట్టు తెలుస్తోంది.