చంద్రబాబుని డౌట్ అడిగిన కేసీఆర్..అన్నా మీ ఇల్లు మునగదా..?

తెలంగాణ ముఖ్యమంత్రి కేసీఆర్ తాను నిర్వహిస్తున్న ఆయుత చండీయాగానికి ఏపీ ముఖ్యమంత్రి చంద్రబాబుకి ఆహ్వానం అందించడానికి ప్రత్యేక హెలికాఫ్టర్లో విజయవాడ వెళ్లిన సంగతి తెలిసిందే..ఈ నేపథ్యంలోనే విజయవాడలో తన నివాసానికి వచ్చిన కేసీఆర్ ను చంద్రబాబును సాదరంగా లోపలికి ఆహ్వానించగా..కేసీఆర్ అనంతరం చండీయాగానికి కుటుంబ సమేతంగా రావాలని చంద్రబాబుని కోరారు.దీంతో చంద్రబాబు కూడా తప్పకుండా వస్తానని కేసీఆర్ కు చెప్పారు.ఇక ఆ తరువాత..ఇద్దరు సీఎంలు కలిసి కాసేపు ఉల్లాసంగా మాటలు కలిపారు.అయితే ఈసందర్భంగా కేసీఆర్ తనకు వచ్చిన ఒక డౌటును నివృతి చేసుకున్నారంట.అదేంటంటే..అన్నా నేను హెలికాఫ్టర్లో వస్తున్నప్పుడు పైనుండి చూశాను..నది నిండుగా ఉంది..మరి అలాంటప్పుడు వర్షాకాలంలో మీ ఇల్లు మునగదా..? రాజధాని ప్రాంతానికి ఇబ్బంది లేదా అని అడిగారంట.దానికి చంద్రబాబు..పైనుండి చూశావు కాబట్టి అలా అనిపిస్తుంది..కానీ అది నిజం కాదు..వీటీపీఎస్ థ‌ర్మల్ విద్యుత్ కేంద్రం అవ‌స‌రాల కోసం న‌దిలో ఆ నీటిమ‌ట్టం నిర్వహిస్తుంటారు..లేక‌పోతే వీటీపీఎస్ ఆగిపోతుంది అని వివరంగా చెప్పారంట.ఇక రాజధాని ప్రాంతానికి అయితే భవిష్యత్ లో ఎలాంటి సమస్యలు రాకుండా ముందుగానే జాగ్రత్తగా ప్రణాళిక సిద్దం చేస్తున్నాం అని చెప్పారంట.మొత్తానికి కేసీఆర్ అడిగిన ప్రశ్నకు చంద్రబాబు ఓపికగా సమాధానం చెప్పినట్టు తెలుస్తోంది.