టీ కాంగ్రెస్ నయా నిర్ణయం... తిరిగి పార్టీలో చేర్చుకోవద్దు..

తెలంగాణ కాంగ్రెస్ పార్టీ ఓ సరికొత్త నిర్ణయం తీసుకున్నట్టు తెలుస్తోంది. తెలంగాణ అధికార పార్టీ అయిన టీఆర్ఎస్లోకి కాంగ్రెస్ పార్టీ నుండి చాలా మంది నేతలు జంప్ అయిన సంగతి తెలిసిందే. ఈ నేపధ్యంలోనే పార్టీ ఫిరాయించి వేరే పార్టీలోకి వెళ్లిన నేతలు మళ్లీ తిరిగి పార్టీలోకి రావాలని చూస్తే వారిని పార్టీలోకి చేర్చుకోకూడదని నిర్ణయించుకున్నారంట. అది చిన్న నేత అయినా కానీ.. పెద్ద సీనియర్ నేత అయినా కానీ.. ఎవరయినా సరే పార్టీలోకి తీసుకోకూడదని నిర్ణయించుకున్నట్టు సమాచారం. ఈరోజు హైదరాబాద్ లో గాంధీ భవన్లో కాంగ్రెస్ విస్తృత స్థాయి సమావేశం జరిగింది. ఈ సందర్భంగా పార్టీ పలు నిర్ణయాలు తీసుకుంది. అందులో పైన తీసుకున్న నిర్ణయం ఒకటి కాగా.. ఇంకా కాంగ్రెస్ వ్యతిరేకంగా పనిచేసే వారిపై కూడా కఠిన చర్యలు తీసుకోవాలని.. దీనిలో భాగంగానే.. తెలంగాణ కరపత్రాలుగా మారిన నమస్తే తెలంగాణ న్యూస్ పేపర్, టీ న్యూస్ వార్తా ఛానెల్ ను బహిష్కరించాలని తీర్మానించారు.