మోడీని పొగిడిన ట్రంప్... భారత్కు పూర్తి అనుకూలం

రిపబ్లికన్ పార్టీ నేత ట్రంప్ కనుక ఎన్నికల్లో గెలిస్తే అమెరికా సర్వనాశనం అవ్వడమే కాకుండా.. అది భారత్ కు నష్టమే అని అనుకున్నారు. ట్రంప్ భారత్ కు పూర్తి వ్యతిరేకంగా ఉంటాడని అనుకున్నారు. అయితే ఇప్పుడు పరిస్థితి కాస్త భిన్నంగానే ఉన్నట్టు తెలుస్తోంది. ఎందుకంటే ట్రంప్ మోడీ పై ప్రశంసలు కురిపించిన విధానం చూస్తుంటే ట్రంప్ భారత్కు పూర్తి అనుకూలంగా ఉన్నారని స్పష్టమవుతోంది.  ట్రంప్ కు చెందిన భారత వ్యాపార భాగస్వామి పంచశిల్ రియాలిటీ డైరెక్టర్ సాగర్ చోర్దియా ట్రంప్ మోడీపై ప్రశంసలు కురిపించారని..  మోదీ చాలా గొప్పగా పనిచేస్తున్నారని అంటున్నారని అన్నారు. భారత్, అమెరికాల మధ్య సంబంధాలు మరింత బలపడతాయని, విస్తరిస్తాయని ట్రంప్ మాటలను బట్టి తనకు అర్థమైందని చెప్పారు. ట్రంప్ ఏర్పాటు చేసిన సమావేశంలో మోడీ గురించి మాట్లాడారని.. భారత ఆర్థిక వ్యవస్థ, మోదీపైనే చర్చ జరిగిందని సాగర్ చోర్దియా చెప్పారు.