చిరంజీవి సీఎం అయితే వేరేలా ఉండేది.. డొక్కా

కాంగ్రెస్ పార్టీ సీనియర్ నేత, మాజీ మంత్రి డొక్కా మాణిక్యవరప్రసాద్ కిరణ్ కుమార్ రెడ్డిని విమర్శించారు. చిరంజీవి 60వ పుట్టినరోజు వేడుకలు సందర్భంగా ఆయనకు జన్మదిన శుభాకాంక్షలు తెలిపారు. అనంతరం మీడియాతో మాట్లాడుతూ వైఎస్ చనిపోయిన తరువాత కాంగ్రస్ పార్టీ కె రోశయ్యను ఆంధ్రప్రదేశ్ రాష్ట్రానికి సీఎం చేసింది. ఆతరువాత రోశయ్య సీఎం పదవి నుండి తప్పుకున్న వెంటనే ఆ బాధ్యతలను చిరంజీవికి అప్పగించాలని తను కోరానని అన్నారు. అప్పుడు దీనిలో భాగంగానే కేంద్రానికి లేఖ కూడా రాశానని.. ముఖ్యంగా కేంద్రం కొత్త సీఎంను నియమిస్తున్న సమయంలో సీఎం పదవిని ఎక్కాలని చూస్తున్న కిరణ్ కుమార్ రెడ్డి గురించి కిరణ్ కుమార్ రెడ్డి పచ్చి మోసగాడని.. చిరంజీవిని సీఎం చేయాలని కూడా ఆలేఖలో పేర్కొన్నారని తెలిపారు. అప్పుడు కాని చిరంజీవిని సీఎం చేసి వుంటే ఇప్పుడు రాష్ట్ర పరిస్థితులు కానీ.. కాంగ్రెస్ పరిస్థితి కానీ మరోలా ఉండేదని డొక్కా అన్నారు.