కాంగ్రెస్, డీఎంకే పార్టీలు మరోసారి..

రాజకీయమంటేనే ఆట. ఎప్పుడు ఏపార్టీతో పొత్తు పెట్టుకుంటుందో.. ఎప్పుడు విడిపోతుందో తెలియదు. ఇప్పుడు జరుగుతున్న పరిణామాలు చూస్తే అలానే అనిపిస్తుంది. తమిళనాడులో కాంగ్రెస్, డీఎంకే పార్టీలు మరోసారి జత కలవనున్నట్టు తెలుస్తోంది. అయితే ఈ పార్టీలకు ఇదేం మొదటిసారి కాదు. గతంలో ఈ రెండు పార్టీల మధ్య పొత్తు ఉండగా.. 2013లో తెగతెంపులు చేసుకున్నాయి. అయితే ఇప్పుడు డీఎంకే, మరోసారి కాంగ్రెస్‌తో జతకట్టేందుకు యత్నిస్తున్నట్లు వార్తలు వినిపిస్తున్నాయి. అంతేకాదు ఈ ఏడాది జరగబోయే తమిళనాడు శాసనసభ ఎన్నికల్లో కాంగ్రెస్, డీఎంకే కలిసి పోటీ చేసేందుకు సమాయత్తం అవుతున్నట్లు తెలుస్తుంది. దీనిలో భాగంగానే కరుణానిధితో కాంగ్రెస్ నేతలు గులాం నబీ ఆజాద్, ముకుల్ వాస్నిక్ సమావేశమై శాసనసభ ఎన్నికలపై చర్చించారు.