దావూద్ తో సంబంధాలు.. పేర్లు బయటపెట్టిన చోటారాజన్?

అండర్ వరల్డ్ డాన్ చోటా రాజన్ ను ప్రత్యేక విమానంలో ఇండియాకు తీసుకొచ్చిన సంగతి తెలిసిందే. సీబీఐ అర్ధరాత్రి ఆయనను మెజిస్ట్రేట్ ముందు హాజరు పరచగా ఐదు రోజుల కస్టడీ విధించింది. అయితే చోటా రాజన్ ను అరెస్ట్ చేసినప్పుడు.. తనను ముంబై కాదు ఢిల్లీ తీసుకెళ్లమని.. ముంబై పోలీసుల్లో చాలా మంది దావుద్ తో కుమ్మక్కయారని చెప్పిన సంగతి విదితమే. ఈనేపథ్యంలో ప్రస్తుతం సీబీఐ కస్టడీలో ఉన్న రాజన్ ముంబై పోలీసులలో ఎవరెవరికి దావూద్‌తో సంబంధాలు ఉన్నాయో వాళ్ల పేర్లన్నీ బయటపెట్టాడని మీడియా కథనాలు చెబుతున్నాయి. ఇంకా చోటా రాజన్ విచారణలో ఏం నిజాలు భయటపడతాయో చూడాలి.