కర్ణాటకలో ఉద్రిక్తత..రైతుల ఆగ్రహం..

కర్ణాటకలో ఉద్రిక్త వాతావరణం నెలకొంది. కర్ణాటక జలాల్ని ఇరు రాష్ట్రాలు కలిసి వాడుకోవాలని.. తమిళనాడుకు కావేరి జలాలు ఇవ్వాల్సిందేనని సుప్రీంకోర్టు తేల్చి చెప్పిన సంగతి తెలిసిందే. ఈ నేపథ్యంలో క‌ర్ణాట‌క రైతులు తీవ్ర‌స్థాయిలో మండిప‌డుతున్నారు. దీనిలో భాంగగానే మాండ్యాలో బంద్ కు పిలుపునిచ్చారు. బెంగ‌ళూరు-మైసూరు జాతీయ ర‌హ‌దారిని రైతులు దిగ్బంధించారు. దీంతో పోలీసులు అక్కడ ఎలాంటి ఉద్రిక్త వాతావరణం నెలకొనకుండా ముందు జాగ్రత్తగా భారీ ఎత్తున మోహరించారు. మ‌రోవైపు కావేరి జ‌లాల వివాదంపై నేడు అఖిలప‌క్ష భేటీకి క‌ర్ణాట‌క ముఖ్య‌మంత్రి సిద్ధ‌రామ‌య్య‌ పిలుపునిచ్చారు.