సినీ నటి మీద ఛీటింగ్ కేసు

ఈ మధ్య కాలంలో సినీ తారలపై ఛీటింగ్ కేసులు ఎక్కువయ్యాయి. మొన్నటికి మొన్న దక్షిణాది హీరోయిన్ శ్రుతిహాసస్ పై కూడా ఛీటింగ్ కేసు నమోదయింది. ఇప్పుడు ప్రముఖ బాలీవుడ్ సినీ నటి హిమాని శివపురి పై ఇండోర్ లోని విజయ్ నగర్ పోలిస్ స్టేషన్ లో ఒక సినిమా డైరెక్టర్ ఛీటింగ్ కేసు పెట్టారు. వివరాల ప్రకారం బాలీవుడ్ డైరెక్టర్ మహమ్మద్ అలీ కుమారుడు గమ్ము భక్ష్ తను తీయబోయే రెండు సినిమాల్లో నటించేందుకు గాను హిమాని శివపురి తో కాంట్రాక్ట్ కుదుర్చుకున్నాడు. అయితే కాంట్రాక్ట్ లో భాగంగా కొంత మొత్తాన్ని ముందుగా హిమానికి ఇచ్చాడు. అయితే ఇప్పుడు హఠాత్తుగా ఆమె సినిమాల నుండి తప్పుకోవడం, ఇచ్చిన అమౌంట్ ను తిరిగి ఇవ్వడానికి నిరాకరించడంతో హిమాని పై కేసు నమోదు చేశారు.