కొంతమంది టీచర్లని టీచర్లు అని పిలవటం కంటే క్రీచర్లు అని పిలిస్తే సరిపోతుంది. పిల్లల్ని లాలించి బుజ్జగించి విద్యాబుద్ధులు నేర్పించాల్సిన టీచర్లు సహనం కోల్పోయి క్రూరంగా ప్రవర్తించిన సంఘటనలు నేటి సమాజంలో తరచూ జరుగుతున్నాయి. అలాంటి రెండు సంఘటనలు తాజాగా తెలంగాణ, ఆంధ్రప్రదేశ్ రాష్ట్రాల్లో జరిగాయి. మెదక్ జిల్లా రామాయంపేట మండలం వెంకటాపూర్ లో ఓ అంగన్ వాడీ టీచర్ ఓ చిన్నారిని అల్లరి చేస్తోందన్న నెపంతో స్కూల్లో వున్న బీరువాలో దాచింది. దాంతో చిన్నారికి ఊపిరి ఆడకపోవటంతో పరిస్థితి విషమంగా మారింది. ఆ విద్యార్థిని చికిత్స నిమిత్తం ఆస్పత్రికి తరలించారు. ఈ ఘటనను నిరసిస్తూ గ్రామస్తులు అంగన్ వాడీ కేంద్రం వద్ద ఆందోళనకు దిగారు. అలాగే విజయ నగరంలోని ప్రతిభా పాఠశాలలో హోంవర్క్ చేయలేదని రెండో తరగతి విద్యార్థిని టీచర్ చితకబాదింది. దాంతో విద్యార్థి తల్లిదండ్రులు పాఠశాల ఎదుట ఆందోళనకు దిగారు.
.jpg)
