కోతులను కూడా వదల్లేదు

దొంగలు సహజంగా ఏ బంగారమో, డబ్బులో దొంగతనం చేస్తారు. కాని ఇక్కడ వెరైటీగా కోతులని దొంగతనం చేశారు. ఎక్కడనుకుంటున్నారా... సెంట్రల్ ఫ్రాన్స్ లోని సెయింట్ ఆగ్నన్ జులాజికల్ పార్క్ లో ఈ ఘటన జరిగింది. గుర్తు తెలియని దుండగులు అరుదైన జాతికి చెందిన 17 కోతుల్ని ఎత్తుకెళ్లారని, ఎలాంటి ఆధారాలు వదలకుండా చాలా చాకచక్యంగా కోతులను తీసుకెళ్లారని జూ పార్క్ డైరెక్టర్ రుడాల్ఫ్ డెలార్డ్ చెప్పారు. అంతరించిపోతున్న కోతుల జాబితాలో ఉన్న ఏడు గోల్డెన్ లయన్ టమరిన్స్, పది సిల్వర్ మెర్కోసెట్స్ కోతులను అపహరించారని తెలిపారు. కోతులకు ఎలాంటి హానీ చేయకముందే దొంగలనుపట్టుకోవాలని పోలీసులకు చెప్పామని రుడాల్ఫ్ డెలార్డ్ చెప్పారు.