ఈ వారం (అక్టోబర్ 08th నుంచి అక్టోబర్ 14th) వార ఫలాలు

 

ఈ ఫలితాలు మొత్తం తమ ఒక్కరికే వర్తిస్తాయని భావించవద్దు. పేరుతో రాశి ఫలితాలు చూసుకోవడం అనేది సరైన పద్దతి కాదు, ఇది గమనించగలరు.

మేషరాశి - అశ్విని, భరణి, కృత్తిక 1 వ పాదం వారికి

ఈ వారం బంధు మిత్రులతో కొన్ని విషయాలలో మాట పట్టింపులు ఉంటాయి. ఋణ భారం పెరుగుతుంది దేవాలయ దర్శనం చేసుకుంటారు. దీర్ఘకాలికంగా వేధిస్తున్న సమస్యల నుండి తెలివిగా బయట పడతారు. ముఖ్యమైన వ్యవహారాలు సాఫీగా సాగుతాయి. చేపట్టిన పనులుసకాలంలో పూర్తిచేస్తారు. గృహంలో శుభకార్య చర్చలు జరుగుతాయి. నూతన వ్యాపారాలు లాభసాటిగా సాగుతాయి. ఉద్యోగాలలో అధికారుల నుండి ఒత్తిడి తొలగుతుంది. కొన్ని రంగాల వారికి ప్రోత్సాహకర వాతావరణం ఉంటుంది. ఆర్థికంగా అనుకూల వాతావరణం ఉంటుంది. వృధాఖర్చులు పెరుగుతాయి. స్వల్ప అనారోగ్య సూచనలు ఉన్నవి. అనుకూలమైన శుభ ఫలితాల కొరకు గోమాత సమేత ఐశ్వర్య కాళీ అమ్మవారి పటానికి ఎర్రని పూలతో పూజించండి, పశు, పక్ష్యాదులకు త్రాగడానికి నీళ్ళను ఏర్పాటు చేయండి శుభం కలుగుతుంది.

వృషభం - కృత్తిక 2, 3, 4 పాదాలు, రోహిణి , మృగశిర 1, 2 పాదాల వారికి.

ఈ వారం సన్నిహితులు సలహాతో నూతన లాభాలను పొందుతారు. శత్రువులు కూడా మిత్రులు వలె ప్రవర్తించి సహాయపడతారు. స్థిరాస్తి సంబంధిత క్రయ విక్రయాలు అనుకూలంగా ఉంటాయి. కొన్ని వ్యవహారాలలో ఆలోచనలు కార్యరూపం దాలుస్తాయి. చేపట్టిన పనులువిజయవంతంగా పూర్తిచేస్తారు. మిత్రులతో వివాదాలను సర్దుబాటు చేసుకుంటారు. వాహన వ్యాపారులకు అనుకూలత పెరుగుతుంది. నూతనవ్యాపారాలకు పెట్టుబడులు అందుతాయి. వృత్తి ఉద్యోగాలలో సమస్యలను అధిగమించి ముందుకు సాగుతారు. వారాంతంలో కుటుంబ సభ్యులతో వివాదాలు ఉంటాయి. ఆకస్మిక ప్రయాణాలు ఉంటాయి. అనుకూలమైన శుభ ఫలితాల కొరకు కొరకు విష్ణు సహస్ర నామాలను చదువుకోవాలి. పశు, పక్ష్యాదులకు త్రాగడానికి నీళ్ళను ఏర్పాటు చేయండి శుభం కలుగుతుంది.

మిధునరాశి - మృగశిర 3, 4 పాదాలు, ఆరుద్ర, పునర్వసు 1, 2, 3, పాదాల వారికి.

ఈ వారం మొండి బాకీలు వసూలు చేసుకుంటారు. చిన్ననాటి మిత్రులతో ఆర్థికవ్యవహారాల గురించి చర్చలు జరుగుతాయి. సమాజంలో పలుకుబడి పెరుగుతుంది సంతానం విద్యా విషయాలలో అంచనాలు నిజమవుతాయి. ముఖ్యమైన పనులు సమయానికి పూర్తి చేస్తారు. దీర్ఘకాలిక ఇబ్బందులు విషయంలో ఆత్మీయుల సహాయంతో బయటపడతారు. సమాజంలో సేవాకార్యక్రమాలలో విశేషంగా పాల్గొని ప్రశంసలు పొందుతారు. గృహోప కరణాలు కొనుగోలు చేస్తారు. వ్యాపారాల్లో ఆశించిన లాభాలను పొందుతారు. వృత్తి ఉద్యోగాలలో బాధ్యతలను సమర్థవంతంగా నిర్వహిస్తారు. వారం మధ్యన బంధుమిత్రులతో వాదనకు వెళ్లడం మంచిది కాదు. వృధా ఖర్చులు ఉంటాయి. గోచార రిత్య అష్టమ శని ప్రభావంతో ఉన్నారు కాబట్టి కాకులకు బెల్లంతో చేసిన గోధుమ రొట్టెలను వేయండి, పశు, పక్ష్యాదులకు త్రాగడానికి నీళ్ళను ఏర్పాటు చేయండి శుభం కలుగుతుంది.

కర్కాటక - రాశి  పునర్వసు 4 వ పాదం, పుష్యమి, ఆశ్లేష వారికి

ఈ వారం విద్యార్థుల కష్టానికి తగిన అవకాశాలు లభిస్తాయి. సేవా కార్యక్రమాలలో పాల్గొంటారు చిన్ననాటి మిత్రులతో విందు వినోద కార్యక్రమాలకు హాజరు అవుతారు. వ్యాపార పరంగా ఆలోచనలను ఆచరణలో పెట్టి లాభాలను పొందుతారు. వృత్తి ఉద్యోగాలలో అదనపు పని భారం నుండి కొంత ఉపశమనం కలుగుతుంది. చేపట్టిన పనులు కొంత మందకొడిగా సాగుతాయి. ఆర్థిక పరిస్థితి మెరుగవుతుంది. కుటుంబ సభ్యులతో చిన్న విషయాలకి వివాదాలు కలుగుతాయి. వారాంతంలో ఆకస్మిక ప్రయాణ సూచనలు ఉన్నవి. ఆరోగ్య విషయాలలో శ్రద్ధ వహించాలి. ధనపరంగా ఒడిదుడుకులు ఉంటాయి. రామరక్షా స్తోత్రం పారాయణం చేయడం మంచిది. అనుకూలమైన శుభ ఫలితాల కొరకు గోమాత సమేత ఐశ్వర్య కాళీ అమ్మవారి పటానికి ఎర్రని పూలతో పూజించండి, పశు, పక్ష్యాదులకు త్రాగడానికి నీళ్ళను ఏర్పాటు చేయండి శుభం కలుగుతుంది.

సింహ రాశి - మఖ, పుబ్బ, ఉత్తర 1 వ పాదం వారికి

ఈ వారం బంధు మిత్రులను కలుసుకునే ఉత్సాహంగా గడుపుతారు. ఆధ్యాత్మిక సేవా కార్యక్రమాలకు ఆహ్వానాలు అందుతాయి. ఆదాయ వ్యవహారాలు సంతృప్తికరంగా సాగుతాయి. దీర్ఘకాలిక రుణాలు నుండి విముక్తి లభిస్తుంది. గృహ నిర్మాణ ప్రయత్నాలు కలిసి వస్తాయి. నూతన వాహనం కొనుగోలు చేస్తారు. వ్యాపారస్తులకు ఊహించని లాభాలను పొందుతారు. సమాజంలో పరిచయాలుమరింతవిస్తృతం అవుతాయి. కుటుంబ సభ్యుల ప్రవర్తన ఆశ్చర్యం కలిగిస్తుంది. ఉద్యోగాల విషయంలో ఉత్సాహకర వాతావరణం ఉంటుంది. అన్ని రంగాల వారు అనుకూలఫలితాలను పొందుతారు. వారంమధ్యన ప్రయాణాలు వాయిదా వేయడం మంచిది. స్తోమతకు మించి సాయం చేయడం మంచిది కాదు. అనుకూలమైన శుభ ఫలితాల కొరకు గోమాత సమేత ఐశ్వర్య కాళీ అమ్మవారి పటానికి ఎర్రని పూలతో పూజించండి, పశు, పక్ష్యాదులకు త్రాగడానికి నీళ్ళను ఏర్పాటు చేయండి శుభం కలుగుతుంది.

కన్య - ఉత్తర 2, 3, 4 పాదాలు, హస్త, చిత్త 1, 2 పాదాల వారికి

ఈ వారం ఆధ్యాత్మిక చింతన పెరుగుతుంది. చేపట్టిన పనులు సకాలంలో పూర్తి చేస్తారు. నూతన కార్యక్రమాలకు శ్రీకారం చుడతారు. సమాజంలో పేరుకలిగినవారితో పరిచయాలు పెరుగుతాయి. వ్యాపారపరంగా నూతన పెట్టుబడులు ఉంటాయి. ఇంటా బయట అనుకూల వాతావరణం ఉంటుంది. ఆర్థికంగా మరింత మెరుగైన పరిస్థితి కలుగుతుంది. సన్నిహితులతో మాట పట్టింపులు తొలగుతాయి. స్థిరాస్తి ఒప్పందాలలో అవరోధాలు అధిగమిస్తారు. వృత్తి ఉద్యోగాలలో సమస్యలను అధికారుల సహాయంతో పరిష్కరించుకుంటారు. చిన్నతరహా పరిశ్రమల వారి అంచనాలు నిజమవుతాయి. వారాంతమున వ్యయప్రయాసలతో పనులు పూర్తి కావు. రుణాలు చేయడం మంచిది కాదు. అనుకూలమైన శుభ ఫలితాల కొరకు గరికతో గణపతికి పూజ చేయండి, పశు, పక్ష్యాదులకు త్రాగడానికి నీళ్ళను ఏర్పాటు చేయండి శుభం కలుగుతుంది.

తులారాశి - చిత్త 3, 4 పాదాలు, స్వాతి, విశాఖ 1, 2, 3, పాదాల వారికి

ఈ వారం కొన్ని పనులలో ఆత్మీయుల సలహాలు కలసి వస్తాయి. సేవా కార్యక్రమాలలో చురుకుగా పాల్గొంటారు. అవసరానికి పాతబాకీలు వసూలవుతాయి. గృహనిర్మాణ ప్రయత్నాలలో అవరోధాలను అధిగమించి పనులు పూర్తి చేసుకుంటారు. ప్రయాణాలలో నూతన పరిచయాలు మరింత ఉత్సాహం కలిగిస్తాయి. ముఖ్యమైన వ్యవహారాలు విజయవంతంగా పూర్తి చేస్తారు. సోదరులతో సమస్యలను రాజి చేసుకుంటారు. నిరుద్యోగులకు ఉద్యోగావకాశాలు లభిస్తాయి. వ్యాపారాలలో ఆకస్మిక ధనప్రాప్తి కలుగుతుంది. వృత్తి ఉద్యోగాలలో పదోన్నతులు పెరుగుతాయి. వారాంతంలో బంధుమిత్రులతో స్వల్ప విభేదాలు కలుగుతాయి. ఆరోగ్య విషయాలలో అశ్రద్ధ పనికిరాదు. అనుకూలమైన శుభ ఫలితాల కొరకు నవగ్రహ స్తోత్రం పాటించాలి, పశు, పక్ష్యాదులకు త్రాగడానికి నీళ్ళను ఏర్పాటు చేయండి శుభం కలుగుతుంది.

వృశ్చిక రాశి  -విశాఖ 4 వ పాదం, అనురాధ, జ్యేష్ట నక్షత్రాల వారికి

ఈ వారం నూతన కార్యక్రమాలను చేపట్టి సకాలంలో పూర్తి చేస్తారు. సేవా కార్యక్రమాలు నిర్వహించి విశేషమైన గౌరవ మర్యాదలు పొందుతారు. ఇంటా బయట మీ మాటకు విలువ పెరుగుతుంది దీర్ఘకాలిక సమస్యల నుండి ఉపశమనం పొందుతారు. ఆర్థికంగా అనుకూలత పెరుగుతుంది. సమాజంలో పలుకుబడి కలిగిన వారి నుండి ఆహ్వానాలు అందుతాయి. సంతానం విద్యా విషయాలలో నూతన అవకాశాలు లభిస్తాయి. వస్త్రా ఆభరణాలు కొనుగోలు చేస్తారు. వాహన కొనుగోలు అవరోధాలు తొలగుతాయి. వ్యాపారాలలో మీ నిర్ణయాలు లాభాలను తీసుకొస్తాయి. ఉద్యోగాలలో అధికారుల నుండి ప్రశంసలు పొందుతారు. గోమాతకు గ్రాసం పెట్టండి, పశు, పక్ష్యాదులకు త్రాగడానికి నీళ్ళను ఏర్పాటు చేయండి శుభం కలుగుతుంది.

ధనుస్సు రాశి - మూల, పూర్వాషాఢ, ఉత్తరాషాఢ 1 వ పాదం వారికి

ఈ వారం నిరుద్యోగులకు నూతన అవకాశాలు లభిస్తాయి. ప్రముఖులతో పరిచయాలు పెరుగుతాయి. పనులను సకాలంలో పూర్తి చేసుకుంటారు. ఆస్తి వ్యవహారాలను సోదరులతో ఒప్పందాలు కలసి వస్తాయి. చిన్ననాటి విషయాలను గుర్తుకు తెచ్చుకుంటారు. మిత్రులతో సేవా కార్యక్రమాలలో పాల్గొంటారు. భూ సంబంధిత క్రయ విక్రయాలలో లాభాలు పొందుతారు. చేపట్టిన పనులలో అప్రయత్నంగా పూర్తిచేయగలుగుతారు. వ్యాపార పరంగా ఆశించిన లాభాలు పొందుతారు. వృత్తి ఉద్యోగాలలో అనుకూల స్థానచలనం కలుగుతాయి. వారం ప్రారంభంలో పనులలో అవరోధాలు ఉంటాయి. బంధుమిత్రులతో వివాదాల కలుగుతాయి. ధన ఇబ్బందులు తప్పవు. అనుకూలమైన శుభ ఫలితాల కొరకు మృత్యంజయ జపం చేయడం మంచిది. పశు, పక్ష్యాదులకు త్రాగడానికి నీళ్ళను ఏర్పాటు చేయండి శుభం కలుగుతుంది.

మకరరాశి - ఉత్తరాషాఢ, 2, 3, 4 పాదాలు, శ్రవణం, ధనిష్ఠ 1, 2 పాదాల వారికి

ఈ వారం చేపట్టిన పనులు శ్రమ తో కానీ పూర్తికావు. దైవ సంబంధిత కార్యక్రమాలలో పాల్గొంటారు ముఖ్యమైన పత్రాల విషయాలలో జాగ్రత్త వహించాలి. కొన్ని సంఘటనలు ఆశ్చర్యం కలిగిస్తాయి. వ్యాపార పరంగా కొంత నిరుత్సాహం వాతావరణం ఉంటుంది. వృత్తి ఉద్యోగాలలో స్థానచలన సూచనలు ఉంటాయి. ఆదాయం అంతగా లేక నూతన రుణాలు చేయవలసి రావచ్చు. ఆలోచనలలో స్థిరత్వం ఉండదు. కుటుంబ సభ్యులతో ఆకస్మిక వివాదాలు కలుగుతాయి. కొన్ని రంగాల వారికి అధికారుల నుండి ఒత్తిడి పెరుగుతుంది. వారం మధ్య నుండి ఆకస్మిక ధనప్రాప్తి కలుగుతుంది. సన్నిహితులు నుండి విలువైన వస్తువులు బహుమతులుగా లభిస్తాయి. నిరుద్యోగులకు ఉద్యోగ అవకాశాలు ఉంటాయి. అనుకూలమైన శుభ ఫలితాల కొరకు ప్రతీ రోజూ రావి చెట్టుకు 'ఓం నమో భగవతే వాసుదేవాయ' అని స్మరిస్తూ 11 ప్రదక్షిణలు చేయండి, పశు, పక్ష్యాదులకు త్రాగడానికి నీళ్ళను ఏర్పాటు చేయండి శుభం కలుగుతుంది.

కుంభ రాశి  -ధనిష్ఠ 3, 4 పాదాలు, శతభిషం, పూర్వాభాద్ర 1, 2, 3 పాదాల వారికి

ఈ వారం సమాజంలో గౌరవం పెరుగుతుంది. చిన్ననాటి మిత్రులను కలుసుకుని వినోద కార్యక్రమాల్లో పాల్గొంటారు. సేవ ధార్మిక కార్యక్రమాలు నిర్వహిస్తారు. రుణాలు వసూలవుతాయి అవుతాయి.అవసరానికి మిత్రులనుండిధనసహాయం లభిస్తుంది. నిరుద్యోగులకు నూతన అవకాశాలు లభిస్తాయి.వృత్తి వ్యాపారాలు పరంగా ఆలోచనలు కార్యరూపం దాలుస్తాయి. సమాజంలో పరిచయాలు మరింతగా విస్తృతమౌతాయి. వృత్తి వ్యాపారాలలో ఉత్సాహంగా పనిచేసి ప్రశంసలు పొందుతారు. ఆర్థికంగా ఉత్సాహకర వాతావరణం ఉంటుంది. వారాంతంలో స్వల్ప అనారోగ్య సమస్యలు ఉంటాయి. ప్రయాణాలు వాయిదా వేయడం మంచిది. అనుకూలమైన శుభ ఫలితాల కొరకు గోమాత సమేత ఐశ్వర్య కాళీ అమ్మవారి పటానికి ఎర్రని పూలతో పూజించండి, పశు, పక్ష్యాదులకు త్రాగడానికి నీళ్ళను ఏర్పాటు చేయండి శుభం కలుగుతుంది.

మీనరాశి  -పూర్వాభాద్ర 4 వ పాదం, ఉత్తరాభాద్ర, రేవతి వారికి

ఈ వారం చిన్ననాటి మిత్రుల నుండి శుభకార్య ఆహ్వానాలు అందుతాయి. వాహన భూ సంబంధిత క్రయవిక్రయాలు లాభాలను కలిగిస్తాయి. దూరప్రాంత బంధువుల ఆగమనంబ ఆనందం కలిగిస్తుంది. శుభకార్యాలలో కుటుంబ సభ్యులతో ఉత్సాహంగా పాల్గొంటారు. ఆర్థిక వ్యవహారాలు సంతృప్తికరంగా ఉంటాయి. బంధు మిత్రుల నుండి ఆసక్తికర సమాచారాన్ని సేకరిస్తారు. ఆధ్యాత్మిక సేవా కార్యక్రమాలపై దృష్టి సారిస్తారు. వృత్తి వ్యాపారాలలో అంచనాలు నిజమవుతాయి. ఉద్యోగస్తులు ఉన్నత అవకాశాలు పొందుతారు. అన్ని రంగాల వారికి అనుకూల వాతావరణం ఉంటుంది. వారం ప్రారంభమున స్వల్ప ఇబ్బందులు ఉన్నప్పటికీ అధిగమించి ముందుకు సాగుతారు. ఆరోగ్య విషయంలో వైద్య సంప్రదింపులు అవసరం అవుతాయి. అనుకూలమైన శుభ ఫలితాల కొరకు సూర్య దేవుని ఆరాధన చేయండి, పశు, పక్ష్యాదులకు త్రాగడానికి నీళ్ళను ఏర్పాటు చేయండి శుభం కలుగుతుంది.